18.5 C
Pontevedra
Xoves, 18 de Xullo de 2024
Máis
    HomeLouriñaSalceda de CaselasO Concello de Salceda solicita subvención para a 2ª fase do novo...

    O Concello de Salceda solicita subvención para a 2ª fase do novo pavillón municipal

    O Concello de Salceda de Caselas vén de solicitar unha subvención á Deputación de Pontevedra para a asistencia técnica na presentación de proxectos que poidan optar aos fondos europeos Next Generation UE do Plan de Recuperación, Transformación e Resiliencia do ámbito do turismo deportivo sostible.

    A alcaldesa da vila, Verónica Tourón, opina que ”xestionar todas as posibles vías de financiamento para acadar para Salceda infraestruturas vitais é fundamental dada a capacidade limitada de recursos que posúen os concellos para levar a cabo estes grandes proxectos”.

    Estes fondos europeos forman parte da compoñente 26 do PRTR destinado ao Fomento do Sector do Deporte e serán regulados por unha orde de subvención que nas próximas semanas publicarase no BOE por parte do Consello Superior de Deportes do goberno de España.

    O obxectivo fundamental da Concellería de Deportes, que dirixe Rubén González, é realizar a presentación para esta subvención do goberno de España destinada ao financiamento de infraestruturas e dotacións deportivas e poder completar así o proxecto integral do novo pavillón municipal. que na súa primeira fase foi presentado para a solicitude de fondos dentro do Programa PON2030 da Deputación de Pontevedra e que se aprobou no último pleno ordinario celebrado no día de onte.

    Rubén González explicou “esta subvención que solicitamos terá como finalidade obter a mellor asistencia técnica para presentarnos a esta importante subvención do goberno de España, que a través desta liña de financiamento nos vai permitir completar esta infraestrutura fundamental”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.