20.8 C
Pontevedra
Luns, 15 de Xullo de 2024
Máis
    HomeO CondadoAs NevesComeza a segunda edición do "Programa Xuntas" en Salceda, Salvaterra e As...

    Comeza a segunda edición do “Programa Xuntas” en Salceda, Salvaterra e As Neves

    As dúas alcaldesas e o alcalde acompañados das respectivas Concelleiras de Igualdade, mantiveron unha reunión de coordinación no arranque da  segunda edición do Programa Xuntas, dirixido ás mulleres de Salceda de Caselas, Salvaterra de Miño e As Neves en materia de formación, información, prevención e orientación e asesoramento xurídico, laboral e psicolóxico individualizado.

    O Programa Xuntas, que obtivo a mellor puntuación de todos os proxectos presentados na provincia de Pontevedra e a segunda mellor de Galicia, xestiónase mediante o sistema de xestión compartida e está cofinanciado polo Fondo Social Europeo Plus (FSE+) no marco do Programa FSE+ Galicia 2021-2027 e a Xunta de Galicia.

    Así, actívase un ano mais o Servizo Integral e Especializado de Asesoramento Xurídico, Psicolóxico e Laboral. Gratuíto, presencial e á demanda, aínda que se establecerán unhas horas fixas todos os mércores pola mañá, o Servizo tamén elaborará os itinerarios personalizados de inserción. Ademais, haberá un Punto de Información de Hábitos Saudables para as Mulleres e asesoramento para unha Despensa Saudable.

    Haberá unha fase de intervención en saúde e benestar na que se impartirán obradoiros nos 3 concellos para mellorar a saúde e o benestar de todas as mulleres e promover a igualdade de xénero, especialmente no eido social e da saúde con 5 obradoiros: “Exercicio terapéutico e saúde”, “O equilibrio a través da alimentación”, “Autoestima e benestar das mulleres” , “A saúde sexual e reprodutiva das mulleres” e “Taller de saúde mental dende a perspectiva de xénero”.

    Noutra fase, desenvolverase a Escola de Empoderamento, para impulsar a formación das participantes  nun espazo de reflexión e debate sobre as aportacións das mulleres á sociedade, analizando as causas que sustentan as desigualdades e plantexando novas miradas. Os obradoiros serán: “Por que foron somos, por que somos, serán”, “Mulleres Rurais, corazón do sistema: máis dereitos, mais  participación, máis recursos para todas”, “Conversatorio sobre a violencia de xénero: claves para a análise construíndo respostas colectivas”, “O empoderamento dixital dende unha perspectiva de xénero”, “Convivencia e aprendizaxe transxeneracional das mulleres” e “As artes no camiño do empoderamento das mulleres”

    Finalmente, o Programa Xuntas complétase con formacións para o traballo a través de obradoiros como: Explorando novos xacementos de emprego”, “Obradoiro de capacitación para o acceso ao emprego, procesos de selección, habilidades de comunicación e construción definitiva do perfil e o CV.” e o “Obradoiro de Autoemprego e emprendemento das mulleres” así como visitas a empresas.

    O Programa, que conta cunha contía de 17.941,88 euros, prevé unha participación mínima de 75 mulleres. Ademáis de toda a información que se ofrecerá nas dependencias municipais, nas RRSS e en cartaces do Programa, está habilitado o teléfono e WhatsApp 685211882.

    Os tres Concellos quixeron poñer en valor unha colaboración institucional exemplar  que permite ofertar mais e mellores servizos e optimizar recursos, o que repercute directamente na calidade das políticas públicas, dando ademais un exemplo de transparencia e boa xestión ao conxunto da cidadanía, especialmente na área de intervención do Programa Xuntas, que conta con 23.205 habitantes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.