7.9 C
Pontevedra
Venres, 29 de Marzo de 2024
Máis
    HomeLouriñaSalceda de CaselasSalceda solicita unha subvención para financiar os danos provocados polas inundacións

    Salceda solicita unha subvención para financiar os danos provocados polas inundacións

    A Concellería de Urbanismo, que dirixe a alcaldesa Verónica Tourón, presentou a semana pasada a solicitude de subvención dentro da liña que a Deputación de Pontevedra puxo a disposición dos concellos para o financiamento de actuacións destinadas á reparación dos danos causados en infraestruturas municipais polas fortes choivas producidas entre os días de nadal do ano pasado e os primeiros días deste ano 2023.

    O departamento técnico de urbanismo leva realizado un traballo de recompilación exhaustiva dos danos producidos polas inundacións para poder recoller todos os datos e avaliar os desperfectos producidos nas infraestruturas, instalacións e terreos municipais e así poder elaborar proxectos planificados de reparacións nas zonas máis afectadas que poidan ser obxecto de ser financiadas.

    Os proxectos elaborados cuantificaron os danos e as actuacións de reparación a realizar das zonas máis afectadas, en Loureiro, na parroquia da Picoña, nas Curuxeiras, na parroquia de San Xurxo e no Cerquido, na parroquia de Budiño.

    De forma xeral as actuacións se basearán na reparación das zonas anexas a estradas de titularidade municipal que aseguraran a firmeza dos terreos e a seguridade do tráfico nas vías, mediante a construción de muros de escollera que se derrubaron polas inundacións e na zona do Cerquido repararase a danada rede de augas pluviais e o entorno dunha balsa de almacenamento que suporan un mecanismo de canalización das augas para unha zona especialmente vulnerable ás inundacións e as fortes precipitacións.

    O total do custe das reparacións e actuacións a realizar a través dos catro proxectos presentados ascende a un total de 135.847,35 euros e será financiado integramente a través da subvención solicitada ao ente provincial.

    Os traballos de reparación das diferentes actuacións recollidas nos catro proxectos comezarán a realizarse no verán cando as condición climatolóxicas sexan as máis propicias e seguras para que o desenvolvemento das obras se realice de forma íntegra e as reparacións queden executadas.

    Á presentación desta solicitude de subvención únese a realizada a finais do mes de xaneiro ao abeiro do Real Decreto 307/2005 do Ministerio do Interior do goberno de España para a concesión de axudas en atención a determinadas necesidades derivadas de situacións de emerxencia ou de natureza catastrófica.

    Verónica Tourón Alcaldesa e Concelleira de Urbanismo: “Cando se produciron as fortes choivas xa me comprometín a traballar na cuantificación exhaustiva de todos os danos e na exploración de todas as vías que as administracións abriran para financiar os custos da reparación dos danos. Desta xeito xa se presentaron solicitudes de subvención a distintas administracións para a obtención de axudas. Quero agradecer igualmente ao departamento de urbanismo o seu gran traballo na tarefa de cuantificar os danos e na elaboración dos proxectos de reparación das zonas afectadas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.