8.8 C
Pontevedra
Venres, 1 de Decembro de 2023
Máis
    HomeLouriñaSalceda de Caselas2350 atletas de entre 7 e 14 anos nunha nova edición do...

    2350 atletas de entre 7 e 14 anos nunha nova edición do programa Xogade en Salceda

    Trátase da maior participación da historia deste evento

    A área do Borralliño, na parroquia de Soutelo, acollerá os vindeiros 9 e 10 de novembro unha nova edición do programa Xogade que pon en marcha a Secretaría Xeral para o Deporte, dirixido á poboación en idade escolar. A Agrupación Deportiva Baixo Miño, entidade formada por docentes dos centros educativos dos Concellos de Salceda de Caselas, Tui, Tomiño e O Rosal, xunto co Concello de Salceda, a Comunidade de Montes de Soutelo e o Centro Cultural O Borralliño son os encargados da organización do evento.

    Sen dúbida unha das probas máis relevantes é a carreira de campo a través en horario lectivo, que nesta ocasión acollerá a uns 2350 atletas de entre 7 e 14 anos, provintes dos centros escolares de primaria e secundaria de Salceda, Tui, Tomiño e O Rosal. O alumnado repartirase nas dúas xornadas, participando o xoves a rapazada dende 2º ata 5º de primaria, e no venres dende 6º de primaria ata 2º da ESO. As carreiras disputarase durante a mañá, entre as 10:30 e as 13:00 horas.

    Na páxina de AGRUDEBAM pódense consultar os diferentes percorridos, que varían segundo a idade do alumnado participante, e que van dende os 550 ata os 1.300 metros.

    Un evento destas características implica unha mobilización importante de autobuses, e fai fundamental a coordinación para garantir en todo momento a seguridade e benestar dos nenos, polo que a organización conta tamén coa colaboración de Protección Civil e Policía Local de Salceda.

    O formato de competición de campo a través, introducido fai poucos anos neste evento, está a significar un incremento exponencial na participación de alumnado, nunha oportunidade enriquecedora tanto no que se refire ao fomento do deporte como á relación que se xera entre os diferentes centros educativos participantes.

    LIBROS

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.

    Domingo Villar, «Síbaris»

    A morte prematura de Domingo Villar foi un duro mazazo para os amantes da literatura galega, iso é algo sobre o que coido que existe consenso a estas alturas.