Tag: lixo

O goberno de Nigrán aprobou no Pleno ordinario os plegos que rexerán a vindeira contratación do servizo de recollida de residuos, limpeza viaria e praias do municipio. A cuestión, que contou co voto en contra do PP e abstención do BNG, outorga luz verde a súa publicación no perfil do contratante e no Diario Oficial da Unión Europea.

O Pleno da Corporación Municipal do Concello de Mos aprobou, coa maioría dos votos a favor, a modificación da Ordenanza municipal de Medio Ambiente que regulará durante os meses de xuño a setembro o horario para desbotar o lixo nos colectores, evitando así os malos cheiros nos mesmos.

O goberno de Nigrán levará ao pleno ordinario deste mércores 26 de xullo o inicio do expediente de contratación do futuro servizo de recollida de lixo e limpeza viaria.

A concelleira de Atención Veciñal, Medio Ambiente, Mantemento de Zonas Urbanas, Parques e Xardíns, Laura Méndez, reuniuse coa enxeñeira municipal, Raquel González, e coa empresa concesionaria do servizo de recollida de lixo, FCC, para tratar sobre a inminente renovación de contedores que suporá un incremento do 23,9 % da capacidade de recollida e a incorporación de 60 contenedores dunha nova fracción, a orgánica de biorresiduos (contedor marrón), inexistente ata o de agora en Mos.

Coincidindo co Día Mundial do Medio Ambiente e poñendo o broche final á Semana do Medio Ambiente, o Concello de Tomiño premiou a creatividade e as ideas do alumnado do municipio para mellorar a xestión do lixo nos seus centros educativos.

Desde o Concello de Mos infórmase de que o Tribunal Administrativo de Contratación Pública da Comunidade Autónoma de Galicia desestimou os recursos especiais en materia de contratación interpostos polo concelleiro do BNG e pola empresa URBASER, contra o acordo de adxudicación da contratación dun servizo de recollida transporte e xestión de residuos sólidos urbanos (Fracción Organica e selectiva) e a limpeza viaria no Concello de Mos, que fora adxudicado a FCC en Pleno do pasado 27 de marzo.

O Concello da Guarda ten entre outros obxectivos o de mellorar e facer máis eficiente o funcionamento do sistema de recollida separada de residuos.

O Concello da Guarda fai un chamamento a todos os guardeses e guardesas para que depositen dentro e correctamente o lixo nos distintos contedores que teñen a súa disposición, de forma que se garanta a eficiencia do sistema de recollida selectiva.

Ponteareas vén de poñer en marcha unha das iniciativas medioambientais de maior calado en materia de xestión de residuos. Baixo a denominación “Ti tes a chave”, a Concellaría de Medio Ambiente, que dirixe Rosa Covelo, implementou o proxecto piloto de recollida selectiva da materia orgánica.

A Concellería de Limpeza, que dirixe José Carlos González, informa dun cambio de horario no servizo de recollida de papel e cartón comercial.

Tomiño segue avanzando cara a un municipio máis sostible, limpo e comprometido co medio ambiente. Neste camiño, o Concello pon en marcha esta mesma semana o servizo de recollida de residuos voluminosos porta a porta.

A alcaldesa do Concello de Ponteareas, Cristina Fernández Davila, xunto con representantes da empresa FCC Medio Ambiente e dos e das traballadoras asinaron este luns un preacordo para a firma de convenio colectivo dos servizos de recollida e transporte dos residuos sólidos urbanos.

Fomentar a conservación do patrimonio natural do Camiño de Santiago implicando á poboación, a peregrinos e peregrinas, ao tecido asociativo e a diversas entidades.

O alcalde de Covelo, Pablo Castillo, informa que o Concello vén de adquirir un novo camión para a recollida do lixo. Este novo vehículo foi adquirido con fondos propios do Concello por un importe de 145.200 €.

O Concello de Ponteareas organiza esta fin de semana unha nova saída de voluntariado ambiental xuvenil, coa que se busca continuar mellorando a contorna do municipio.

Dende o Concello da Cañiza lémbrase a obriga de toda a veciñanza de facer un uso responsable dos seus restos e residuos e evitar a proliferación de vertedoiros.

O Concello de Salvaterra de Miño vén de recibir un novo camión de lixo, adquirido polo municipio por máis de 140.000 € e financiado a través do Plan Concellos 2021 da Deputación de Pontevedra.

Dando un paso máis na xestión do lixo, dende primeiros de 2022 o Concello das Neves asumiu directamente a xestión do servizo de recollida de envases plástico, que ata agora prestaba a empresa privada Urbaser.

A Concellería de Limpeza do Concello do Porriño, que dirixe José Carlos González, lembra que a cidadanía do Porriño dispón dun servizo de recollida de voluminosos que require de citación previa, pois está prohibido deixar enseres na vía pública sen previo aviso.

O Concello de Tui está a traballar na modificación da ordenanza do lixo. Para iso está a reunir toda a información necesaria para poder realizar un estudo rigoroso que permita abordar a modificación desta taxa.

Os hostaleiros de Mos teñen ata o 30 deste mes para solicitar a bonificación do 50% da taxa do lixo. Trátase de dar continidade á medida municipal iniciada o ano pasado pero mellorada.

Separar en orixe e recoller de maneira diferenciada todas as fraccións do lixo, bonificar o recibo á cidadanía que cumpra coas reglas, e graduar as taxas das actividades económicas en función do volumen de residuos que xeran e da súa capacidade económica. Eses son os tres piares sobre os que a Deputación quere que os concellos da provincia baseen os seus sistemas de xestión do lixo municipal e dean un “salto adiante” tanto no cumprimento da normativa europea, estatal e galega, como no coidado do medio ambiente.

O Concello da Guarda aprobou no pasado mes de decembro a modificación da Ordenanza Fiscal Reguladora da Taxa de Recollida do Lixo que permitirá aos comerciantes e hostaleiros da vila solicitar a devolución do 25 % da taxa do lixo.

O Concello das Neves vén de adquirir un novo camión do lixo subministrado pola empresa Ros Roca, gañadora do proceso de contratación pública, por valor de 113.135 euros. As características deste camión foron adaptadas para poder chegar a zonas dificultosas en condicións de seguridade e comodidade.

A alcaldesa de Mos, Nidia Arévalo, reuniuse esta mañá xunto coa concelleira de Promoción Empresarial, Economía e Emprego mosense, Julia Loureiro, e a tesoureira municipal, con membros da Asociación de Hosteleiros Rías Baixas, entre os que se atopan catro hosteleiros mosenses (Esteban, Lano, O Cruceiro e Adega da Tía Carmen), para abordar as novas medidas en trámite por parte do Concello de Mos para apoiar á hostelería local.

O Concello da Guarda, a través da Concellería de Medio Ambiente, da a coñecer esta semana o Plan de Compostaxe Municipal á cidadanía guardesa con dúas charlas, que terán lugar o mércores día 18 de novembro ás 17:00 h no local da Entidade Local Menor de Camposancos e o xoves día 19 de novembro ás 10:00 h no Salón de Plenos do Concello da Guarda.

O Concello de Tui aplicará aos establecementos que tiveron que permanecer pechados durante o estado de alarma ou na actualidade coma consecuencia das medidas restritivas que están vixentes en Tui a mesma cota trimestral da taxa anual do lixo que ás vivendas, no período no que estiveron sen actividade.

O alcalde da Guarda, Antonio Lomba, amosaba no día de onte a súa satisfacción por ter acadado o acordo unánime da corporación municipal na proposta de alcaldía en relación coa redución nun 25% da taxa de lixo para aqueles autónomos e actividades económicas que estiveron pechadas durante o Estado de Alarma.

O Concello do Rosal celebrou este martes 3 de novembro un pleno extraordinario urxente para modificar a ordenanza municipal que regula as taxas de recollida do lixo co obxectivo de reducir nun 25% o pago da cota a aqueles autónomos, negocios e empresas que se viron obrigados a pechar...

O Concello de Tomiño convocou un pleno extraordinario este luns para modificar a ordenanza municipal reguladora das taxas pola recollida do lixo coa finalidade de eximir do pago do primeiro semestre do vindeiro ano a aqueles negocios e empresas que tiveran que fechar este ano por motivos derivados da pandemia da Covid-19.

Tirar a lixo fóra do horario establecido, depositar as bolsas na rúa, abandonar residuos en puntos non autorizados ou amontoar restos vexetais a carón dos contedores son algunhas das condutas que están a ser obxecto dos devanditos expedientes. Os infractores detectados son tanto empresas coma particulares.

O Concello de Tomiño continúa ampliando a súa rede de compostaxe coa entrega este xoves, ao abeiro da segunda fase do Revitaliza da Deputación de Pontevedra, de 30 novos composteiros individuais (COIN) a veciños e veciñas que os tiñan solicitado hai tempo. Con esta segunda remesa xa hai repartidas 60 unidades das 3.000 previstas ata final de ano, acción que se complementará, entre outras, coa instalación de 13 Centros de Compostaxe Comunitaria (CCCs) e a creación de puntos verdes onde a veciñanza poida depositar restos de poda que serán triturados in situ, deixando o triturado a disposición de quen queira usalo nos seus composteiros como estruturante.

Manifesto Miñor (MM) vén de denunciar o "empeoramento do servizo de recollida de RSU, que afecta especialmente ás parroquias de Gondomar". A situación, segundo MM, dista moito do anunciado polo Goberno local logo da contratación da empresa FCC, por un importe de arredor dun millón de euros anuais e que prevía "unha mellora sen parangón do servizo, coa substitución de colectores, limpezas e desinfeccións constantes, unha mellora no funcionamento do punto limpo, etc".

O Concello de Nigrán recollerá porta por porta o lixo dos negocios situados no porto pesqueiro de Panxón ante a impredecible orde da Xunta de Galicia do día 2 de que se retirasen inmediatamente os contedores municipais existentes baixo pena de multa ao ser ese terreo de Portos de Galicia.

Dende o inicio do estado de alarma declarado pola crise sanitaria do Covid-19, tivemos que ir adaptando as nosas costumes e tomar medidas de hixiene e seguridade que fixeron extensible o uso de luvas ou máscaras de protección á case totalidade da poboación. Unha das caras negativas da pandemia do Covid-19, é que desafortunadamente, moitos dos elementos que se están a empregar para a prevención e protección como luvas ou máscaras, son depositados sen control en rúas e fincas.

A concelleira de Medio Ambiente do Concello de Ponteareas, Rosa Covelo, lamentou hoxe a imaxe dada por un contedor en Canedo "con enseres que deben ser depositados no punto limpo" un feito que, sinala a concelleira, "reflicte a falta de solidariedade dalgúns cidadáns", que cada vez son menos, pero que aínda se dan casos. Covelo anima á veciñanza a colaborar ao mesmo tempo que a denunciar aquelas actitudes incívicas "trasladando ás autoridades toda a información posible".

A concellería de Medio Ambiente, que dirixe Rosa Covelo, fai un novo chamamento á cidadanía para conseguir unha vila máis limpa e rematar co depósito de lixo fóra dos puntos axeitados. Covelo lembra que a cidadanía dispón dun amplo servizo de recollida de lixo que abrangue a recollida diaria, a recollida á demanda semanal de enseres e o punto limpo.

O Concello do Rosal porá en marcha este mes o ciclo de charlas ‘Li-xo, que non che soe a chino’, unha serie de encontros por diferentes barrios do municipio para explicar á veciñanza como funciona a xestión do lixo que se produce nas casas e resolver calquera tipo de dúbida sobre a reciclaxe.

A Concellería de Medio Ambiente do Concello de Tomiño, que dirixe Ana Belén Casaleiro, vén de por en marcha unha campaña de verán de recollida de voluminosos, co obxectivo de reducir o número de vertedoiros incontrolados que, sobre todo, en verán, proliferan nas proximidades dos colectores de residuos sólidos e de recollida selectiva.

O Concello de Salceda de Caselas vén de lembrarlle á veciñanza que teñen a súa disposición un servizo semanal de recollida enseres voluminosos para uso particular, polo que aqueles veciños e veciñas que precisen desfacerse de algún moble, electrodoméstico ou similar, poden poñerse en contacto co Concello para solicitar...