10.4 C
Pontevedra
Xoves, 28 de Marzo de 2024
Máis
    HomeLouriñaMosMos anuncia nunha reunión cos Hosteleiros das Rías Baixas que lle bonificará...

    Mos anuncia nunha reunión cos Hosteleiros das Rías Baixas que lle bonificará á hostelería mosense a metade da taxa do lixo

    A Asociación instou ao Concello na xuntanza desta mañá a relizar un control estricto dos furanchos

    A alcaldesa de Mos, Nidia Arévalo, reuniuse esta mañá xunto coa concelleira de Promoción Empresarial, Economía e Emprego mosense, Julia Loureiro, e a tesoureira municipal, con membros da Asociación de Hosteleiros Rías Baixas, entre os que se atopan catro hosteleiros mosenses (Esteban, Lano, O Cruceiro e Adega da Tía Carmen), para abordar as novas medidas en trámite por parte do Concello de Mos para apoiar á hostelería local.

    Aínda que na xuntanza só estivo presente unha pequena representación da hostelería de Mos, as representantes municipais, Arévalo e Loureiro, anunciaron que “desde a Axencia de Colocación de Mos seguirase a chamar un por un a todos e cada un dos hosteleiros mosenses para informalos dos avances, concretarlles as decisións tomadas e explicarlles como teñen que proceder para beneficiarse das axudas”.

    A Xunta Directiva da Asociación de Hosteleiros Rías Baixas presentoulle hoxe á alcaldesa unha petición por escrito na que solicitan o pago proporcional ao tempo traballado dos impostos e taxas municipais para os hosteleiros mosenses, no que o Concello vai aínda máis aló xa que hai que lembrar que, desde o inicio da pandemia, o Concello de Mos ten derogada a taxa das terrazas e agora bonificaráselles aos hosteleiros o recibo do lixo nun 50%, co que aforrarán a parte proporcional a medio ano ou 6 meses.

    Por outra banda a Asociación Rías Baixas tamén instou ao Concello de Mos na reunión desta mañá a realizar un control estricto dos furanchos do municipio para asegurar que non se faga competencia desleal á hostelería e que se garantan as medidas sanitarias nos mesmos, resolvendo así mesmo os expedientes sancionadores co tempo suficiente para que cumpran a sanción e pechando inmediatamente os que traballen como hosteleiros sen ter os pertinentes permisos. Esixen así mesmo que se comprobe que os furanchos teñen exposto ao público a relación de tapas que poden vender co prezo, tipo de viño e prezo, horario de apertura, e inicio e fin de tempada.

    A Directiva da Asociación insistiu neste sentido en que “pedimos que as administracións sexan intransixentes coa competencia desleal sendo de vital importancia que a inspección funcione adecuadamente”.

    Os Hosteleiros das Rías Baixas xa pediron en xuntanzas previas coa Xunta de Galicia (Consellería de Vicepresidencia e Turismo) e con outras administracións locais a colaboración e medidas hoxe solicitadas no Concello de Mos, declarando que “no caso de Mos atopámonos coas xestións de apoio á hostelería xa moi avanzadas e moito máis preparados que noutros municipios”.

    A rexedora local mosense e a edil de Promoción Empresarial e Economía explicáronlles por último aos hosteleiros que estase realizando por parte do Concello de Mos un diagnóstico exhaustivo da situación real actual dos hosteleiros existentes en Mos, creouse e estase a implementar a plataforma web ‘Queda en Mos. Todo ao teu alcance’. No Pleno do mes de setembro aprobouse unha moción para instar ao goberno central a que lle permitise ao Concello de Mos modificar o IBI e o imposto de rodaxe para así poder aplicarlles aos contrinuíntes bonificacións e/ou exencións, xa que a administración local non os pode modificar se non llo autoriza, ao tratarse de 2 impostos que están regulados pola normativa Estatal. Pediuse á presidenta do Consorcio de Augas do Louro que se aplique a bonificación do recibo do saneamento e abastecemento de auga aos hosteleiros de Mos, O Porriño, Salceda e Tui (4 municipios integrantes do Consorcio). E centralizouse na Axencia de Colocación de Mos o servizo de axuda e apoio para que os hosteleiros de Mos poidan tramitar de xeito sinxelo a solicitude de axudas, petición deberán formalizar a través dun impreso específico que poderá presentarse telemáticamente, por via dixital. O persoal da Axencia está a disposición dos hosteleiros que precisen axuda para realizar estes trámites, que incluirán a aportación dunha serie de documentos, ademais de presentar o devandito formulario cumprimentado.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.