4.5 C
Pontevedra
Domingo, 28 de Novembro de 2021
Máis
    HomeÉ NoticiaÉxito de público na presentación do libro de banda deseñada sobre memoria...

    Éxito de público na presentación do libro de banda deseñada sobre memoria histórica ‘Regreso á Illa de San Simón’

    A alta demanda da publicación coordinada por Kiko da Silva e realizada por autores e autoras do 'O Garaxe Hermético' leva á Deputación a anunciar unha próxima reedición

    O Museo de Pontevedra encheuse o venres ata onde o permitía o aforo do 90 % para a presentación do libro de banda deseñada Regreso á Illa de San Simón, a primeira publicación sobre memoria histórica editada pola pola Deputación de Pontevedra para chegar á xente moza. O éxito non parou aí: a deputada María Ortega anunciou que se fará unha próxima reedición dada a alta demanda recibida tanto no Servizo de Publicacións provincial como na escola do Garaxe Hermético nos días pasados.

    A peza, que conta diferentes historias baseadas nos feitos acontecidos na Illa de San Simón dende 1936 ata 1943 como campo de presos da ditadura, foi coordinada polo ilustrador Kiko da Silva e creada por autoras e autores formados na escola de banda deseñada O Garaxe Hermético: Miguel Rojo e Pablo Prado, Fernando Llor e Ana Pumares, Fonso Barreiro e Antonio Recuna, Eli García, Miriam Iglesias, Iago Fernández Falcón e Damián Gómez Figueras, Zaida Novoa, Mara Méndez, Fernando Llor e Olalla González, Lorena Nikoli, así como Fernando Iglesias ‘Kohell’ e Miguel Porto.

    O obxectivo da iniciativa, segundo explicou a deputada María Ortega no Museo, foi achegarse á xente moza cun formato atractivo e diferente aos que se soen empregar no ámbito da memoria histórica, con colectivos e asociacións formadas principalmente por persoas de maior idade. Neste sentido, a nacionalista amosouse especialmente satisfeita e emocionada polo éxito acadado incluso antes da presentación, que ao seu entender amosa que hai interese por coñecer os feitos do pasado escuro na historia do país e tamén por reflexionar sobre o papel que rapaces e rapazas poden xogar nas reivindicacións de “verdade, xustiza, reparación”.

    Pola súa banda, o coordinador da publicación, Kiko da Silva, falou na presentación da idoneidade de utilizar a banda deseñada (BD) para falar da memoria histórica. Lembrou que a BD acadou a súa madurez a finais do século XX coa obra ‘Maus’ de Art Spiegleman, que fixo que “comece a cambiar todo no gremio” por abordar o holocausto a partir das lembranzas do seu pai, xudeu que sobreviviu a Auschwitz. “Esa obra empezou sendo ‘underground’, pero hoxendía xa é mundialmente coñecida e best seller porque é a única BD que acadou o Pullitzer de xornalismo”, apuntou Da Silva.

    O ilustrador tamén fixo unha reflexión sobre o termo postmemoria da autora Marianne Hirsch, referido á relación entre dúas xeracións e a herdanza do trauma persoal e o colectivo recollido a través a imaxes inquietantes, obxectos, historias, comportamentos e afeccións transmitidos dentro da familia e da cultura xeral.

    Segundo explica Da Silva, o libro sobre San Simón foi feito por autores e autoras que non viviron os feitos na familia directa salvo a excepción de un, Antonio Recuna, familiar do preso coñecido como o ‘Reisiño’, de quen lle chegou o seu interese polo debuxo. “Coñécense as cousas por pesquisas. O terror e o medo facían que non se falase disto na casa, polo que este é un libro desa postmemoria, falar da historia dende a investigación e documentos históricos que fan que non se perda o relato”, subliñou o autor.

    A presentación da BD ‘Regreso á Illa de San Simón’ finalizou coas intervencións das autoras Zaida Novoa e Fonso Barreiro, que explicaron o proceso de creación das historias reunidas na publicación. Neste sentido, o propio Kiko da Silva salientou a calidade e profesionalidade do traballo, que se fixo nun tempo récord.

    COLABORACIÓNS

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Ana Cabaleiro, «Deixádenos remar»

    Descubrimos a Ana Cabaleiro cun libro de relatos tan interesante como «Sapos e sereas». Logo viría a novela «Las Ramonas» e agora chega cunha terceira proposta que, tal e como eu o vexo, navega entre ambos os dous mundos, o do relato curto e a novela tradicional, sen acabar de mergullarse en ningún deles. Claro que tal afirmación ben merece unha explicación detallada.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    6 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS