7.5 C
Pontevedra
Mércores, 8 de Febreiro de 2023
Máis
    HomeÉ NoticiaA Deputación activa o protocolo de seguimento do temporal na provincia

    A Deputación activa o protocolo de seguimento do temporal na provincia

    O operativo reforza o servizo contra incendios e de emerxencias e as brigadas das estradas provinciais ante posibles incidencias

    O goberno de Carmela Silva na Deputación de Pontevedra activou na tarde deste mércores o protocolo de seguimento en emerxencias e estradas provinciais ante a alerta vermella emitida por Aemet ao fío do aviso para este xoves de fenómenos costeiros coincidentes coas mareas vivas, así como o risco de inundacións en zonas próximas ás beiras dos ríos.

    O aviso meteorolóxico advirte dun episodio de fenómenos costeiros que na provincia afectaría, sobre todo desde esta próxima madrugada, á zona de Rías Baixas e á zona do Miño entre as 12 e as 22 horas, con mar combinada do Noroeste de 8 a 9 metros alcanzando os 10 metros no litoral. Os ventos serán do Oeste ou Noroeste de forza 8 a 9. Amais, desde o 112 alertan do risco, por mor das precipitacións, de posibles desbordamentos puntuais nos ríos pola subida do caudal.

    Os deputados Carlos Font e Gregorio Agís dirixen desde esta noite os operativos tanto dos efectivos dos parques contra incendios e de emerxencias do Consorcio Provincial, como nas infraestruturas ante posibles incidencias en estradas provinciais. De feito, nos parques contra incendios e de emerxencias do Consorcio se han reforzado os reténs de efectivos, mentres que nas estradas se habilitou un operativo coas brigadas provinciais.

    O goberno da Deputación de Pontevedra lembra á poboación á necesidade de extremar as precaucións caso de circular polas estradas, e aconsella retirar os vehículos das zonas próximas á marxe dos ríos.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS