8.5 C
Pontevedra
Venres, 29 de Marzo de 2024
Máis
    HomeÉ NoticiaA Deputación achega 40.000 euros a ASEFOGA para impulsar a produción de...

    A Deputación achega 40.000 euros a ASEFOGA para impulsar a produción de mel ecolóxico

    Con esta iniciativa preténdese promover o nacemento de empresas apícolas ecolóxicas, crear emprego e mellorar a capacitación técnica das persoas apicultoras

    A Deputación de Pontevedra achegará 40.000 € á Asociación Sectorial Forestal Galega, ASEFOGA, para a realización dun programa formativo sobre a xestión e boas prácticas nos apiarios para o impulso da produción de mel ecolóxico. Con esta iniciativa ambas entidades pretenden promover o nacemento de empresas apícolas ecolóxicas, crear emprego e mellorar a capacitación técnica das persoas apicultoras que producen e transforman mel ecolóxico na provincia de Pontevedra.

    O acordo de colaboración contempla a realización de cursos de formación online, asesoramento, vídeos e actividades de divulgación e difusión do programa ao longo deste último trimestre de 2021. Así, realizaranse ata cinco cursos online de 50 horas cada un a través dunha plataforma de formación onde un total de 20 alumnas e alumnos por curso adquirirán os coñecementos precisos para a produción de mel ecolóxico e o aproveitamento dos subprodutos derivados do mesmo. Amais da formación online, haberá asesoramentos individualizados a través de dous puntos informativos físicos, nas oficinas comarcais de Lalín e Cambados, no que as persoas interesadas van recibir orientación técnica e respostas ás consultas relativas á apicultura ecolóxica. Tamén se realizarán cinco vídeos nos que se explicarán e ilustrarán técnicas de manexo das colmeas, elaboración e produción de mel ecolóxico e derivados, e actividades de divulgación e difusión do programa a través de medios de comunicación online e impresos.

    Na provincia de Pontevedra existen unhas condicións naturais idóneas para producir mel ecolóxico e para o desenvolvemento de asentamos apícolas. Este feito, unido á necesidade de xerar oportunidades para a cidadanía do rural, á diminución das abellas melíferas na provincia e ao auxe e aceptación dos produtos ecolóxicos, converte a estas accións formativas impulsadas pola Deputación e ASEFOGA en estratéxicas xa que o sector apícola ten unha grande importancia dentro da estrutura económica, impulsando o equilibrio territorial e a xestión do territorio.

    A Asociación Sectorial Forestal Galega, ASEFOGA, é unha entidade sen ánimo de lucro formada por máis de 9.000 pequenas/os propietarias/os forestais que traballa para impulsar o desenvolvemento do sector forestal, colaborando na consecución dunha cultura forestal en Galicia acorde coa importancia estratéxica do monte e do sector forestal na comunidade. A súa misión é converterse na organización de apoio á xestión forestal para todas as persoas agricultoras, gandeiras e xente do rural e para elo impulsa programas de formación e asesoramento, como os que vai lanzar xunto á Deputación de Pontevedra, para o aproveitamento e xestión responsable dos recursos forestais.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.