14.8 C
Pontevedra
Domingo, 21 de Abril de 2024
Máis
    HomeVal MiñorNigránO parking da Ramallosa contabiliza preto de cen mil vehículos no primeiro...

    O parking da Ramallosa contabiliza preto de cen mil vehículos no primeiro ano de funcionamento

    O Concello de Nigrán contabilizou preto de 100.000 vehículos durante este primeiro ano de funcionamento do parking municipal  100 % gratuíto da Ramallosa. O aparcadoiro aberto o 5 de xaneiro de 2022 tras 5 anos inoperativo é empregado por unha media de 250 turismos diarios e superior a 300 durante épocas como a estival ou o Nadal. O consistorio asumíu a súa xestión directa tras conseguir remunicipalizar esta  infraestrutura que antes dirixía a concesionaria ‘Estacionamientos Valle Miñor, S.L.’, empresa liquidada e disolta no 2019.

    “O balance non poder ser mellor. O emprega moitísima xente de xeito asiduo e nótase en todas as rúas da contorna coa proliferación de prazas baleiras, todo elo en beneficio do pequeno comercio ao animarse máis clientes a vir a Ramallosa e dos veciños, especialmente os usuarios da piscina porque está ao seu carón”, explica o alcalde, Juan González, sobre este aparcamento na céntrica rúa Argonautas. 

    O horario da infraestrutura mantense de 8:00 a 22:00 horas de luns a sábado e 100 % gratuíto.

    O goberno local non considerou en ningún momento outra opción que a xestión pública para que de verdade a súa apertura beneficiase económica e socialmente a todo este núcleo onde precisamente escaseaban as prazas para aparcar. “Unha concesionaria lóxicamente busca facer negocio porque é unha empresa, en cambio, desde o Concello o que buscamos é un beneficio social, non o lucro: aparcamento gratuíto para toda aquela persoa que veña a Ramallosa a facer compras, recados, exercicio…”, engade o rexedor, quen menciona o Nigranbus como outro avance en mobilidade que beneficia directamente a este núcleo urbano.

    A posta a punto do parking supuxo para o Concello un investimento de máis de 120.000 € nos traballos de certificación da instalación eléctrica e de seguridade, reposición da maquinaria, axuste da protección contra incendios, instalación de dúas bombas de achique para evitar inundacións na última planta, a propia limpeza de toda a superficie ou a colocación de dous cargadores para vehículos eléctricos.

    O aparcadoiro súmase ao leira-parking municipal do núcleo urbano de Nigrán, tamén 100 % público e gratuíto e polo que o Concello paga un aluguer de 6.137 € ao ano.

    “Somos conscientes do importante que son para os núcleos urbanos as bolsas de aparcamento porque repercuten directamente no pequeno comercio e na propia calidade de vida das persoas, polo que consideramos a re-apertura deste parking da Ramallosa de xeito 100% público e gratuíto un dos grandes logros deste goberno”, resume González.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.