16.6 C
Pontevedra
Venres, 14 de Xuño de 2024
Máis
    HomeVal MiñorNigránO «CPI Arquitecto Palacios» entrega aos servizos sociais de Nigrán 1.330 euros...

    O «CPI Arquitecto Palacios» entrega aos servizos sociais de Nigrán 1.330 euros en vales de comida

    Os cartos foron recadados na 'X Carreira Solidaria' que organizan o día da Paz e na que tamén participaron alumnos do CEIP da Cruz, CEE Juan María, CEE Panxón e Dunas

    Unha representación de alumnos e docentes do CPI Arquitecto Palacios de Panxón entregou onte ao alcalde de Nigrán 1.330 € en vales canxeables por comida para que os Servizos Sociais do Concello os distribúan entre as familias en dificultade.

    Á entrega, que tivo lugar nas instalacións do centro educativo, acudíu tamén a concelleira de Educación, Marina Vidal, e a de Asuntos Sociais, Bibiana Peixoto. Os cartos foron recadados na ‘X Carreira Solidaria’ que organizan cada ano coincidindo co día da Paz e na que tamén participaron alumnos do CEIP da Cruz (Camos), CEE Juan María, CEE Panxón e Escola Infantil Dunas. Foron máis de 100 alumnos os que correron tras achegar os seus patrocinadores adultos unha axuda para a causa (cadansúa volta ao circuíto é premiada por un ‘padriño’).

    “Estamos moi orgullosos desta iniciativa que ano a ano promove na nosa infancia valores como a solidariedade a través da práctica deportiva, por iso damos especialmente as grazas ao docentes pola organización e aos nenos e aos seus ‘padriños’ pola súa participación imprescindible”, destaca o alcalde, Juan González.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.