16.4 C
Pontevedra
Venres, 14 de Xuño de 2024
Máis
    HomeVal MiñorNigránO Concello de Nigrán recibe 139 kg en produtos de limpeza e...

    O Concello de Nigrán recibe 139 kg en produtos de limpeza e alimentos non perecedoiros grazas á doazón da ED Val Miñor Nigrán e Ureca

    A escola de fútbol doou 1 kg por cada gol (en contra ou a favor) nos partidos da fin de semana, mentras que a sección de tenis e padel de Ureca fixo o mesmo por cada set gañado

    O Concello de Nigrán recibíu esta fin de semana 139 kg en alimentos non perecedoiros e de limpeza grazas á campaña solidaria de Nadal da ED Val Miñor Nigrán e Ureca. Todo o recadado pasará a formar parte do Banco Municipal para distribuír entre as familias en situación de vulnerabilidade.

    Os 139 kg forman parte da iniciativa ‘Goles e Sets solidarios’ mediante a cal a escola de fútbol tranformou os goles a favor ou en contra da fin de semana en doazóns de 1 kg e a sección de tenis e padel de Ureca os sets gañados. A maiores, os deportistas de ambas entidades foron depositando desde o 16 de decembro doazóns particulares de alimentos, xoguetes, produtos de limpeza ou hixiene…

    Adicionalmente, o Club Baloncesto Nigrán Nigrán, ante a alta inicidencia de Covid-19, suspende o torneo solidario ‘Encesta un alimento’ pero mantén a recollida de alimentos non perecedoiros, produtos de hixiene e limpeza os días 22 e 23 no Pavillón de Panxón de 10:00 a 14:00 e de 17:00 a 20:00 horas. Cada persoa que faga unha doazón será agasallada cun pequeno detalle e unha rifa (poderá recibir máis se encesta algunha canasta) cuxo sorteo se realizará o día 23 ás 20:00 no propio pavillón.

    “Estamos moi agradecidos a estes clubes, estas iniciativas reflexan o gran compromiso social das nosas entidades deportivas e os seus valores, polo que estamos especialmente orgullosos”, subliña o alcalde, Juan González. 

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.