16.5 C
Pontevedra
Xoves, 20 de Xuño de 2024
Máis
    HomeVal MiñorNigránO Concello de Nigrán pranta 175 novos arbustos na contorna do Centro...

    O Concello de Nigrán pranta 175 novos arbustos na contorna do Centro da Terceira Idade de A Ramallosa

    A través da empresa concesionaria Aqualia repuxo con aligustres toda a zona axardinada que delimita o carril-bici

    O Concello de Nigrán, a través da empresa concesionaria Aqualia, repuxo esta semana con 175 aligustres toda a zona axardinada que delimita o carril-bici na contorna do Centro da Terceira Idade de A Ramallosa.

    Este espazo estivo en obras o ano pasado para completar a renovación da tubaxe de impulsión e evitar calquera posible verquido cara A Foz, motivo polo que agora foi preciso substituír todo o tramo de terra con novos arbustos.

    Esta especie, que mide aproximadamente dous metros de altura, resulta a máis axeitada para alí porque é perenne e crece tanto en pleno sol como á sombra, mentras que as flores teñen unha tonalidade branca e desprenden un cheiro agradable.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.