5.5 C
Pontevedra
Venres, 2 de Decembro de 2022
Máis
    HomeVal MiñorNigránO Concello de Nigrán creará unha liña de axudas directas a autónomos...

    O Concello de Nigrán creará unha liña de axudas directas a autónomos afectados polo recente peche hostaleiro

    O goberno local contempla subvencións de 1.000 € para autónomos e de 600 € para empregados do sector sen ningún tipo de prestación con cargo todo a unha partida de 120.000 € do Remanente de Tesourería

    O Concello de Nigrán creará unha liña de axudas directas de 120.000 € a cargo do remanente de Tesourería para o sector hostaleiro  afectado polo peche sanitario do 4 de novembro. O goberno local ultima os pregos para a convocatoria contemplando unha subvención de 1.000 € para os autónomos e de 600 € para traballadores por conta allea sen dereito a ningún outro tipo de prestación. A cuestión será levada a pleno en decembro para  publicarse despois no Boletín Oficial da Provincia e abrir o prazo, polo que previsiblemente será a inicios de ano cando se poidan tramitar as solicitudes. Estas axúdas súmanse ás anunciadas a semana pasada polo Concello para bonificar o recibo trimestral da auga, a parte proporcional do lixo e unha rebaixa do 75% na taxa de terrazas (máximo permitido por lei) tamén de cara a 2021, ademais de ofrecer gratis un repartidor de comida a domicilio para os que decidiron abrir para realizar pedidos.

    “Somos moi conscientes da situación que atravesan porque onte mesmo nos reunimos cos empresarios do municipio e nos trasmitiron a súa inquedanza, pero desde o Concello tamén nos preocupan aqueles traballadores que se quedaron sen emprego e sen dereito a ningún tipo de prestación, por eso as nosas axudas chegarán a eles tamén. ‘Un Nigrán para todos’ ao fin tamén é eso, non deixar a ninguén fora”, explica o alcalde, Juan González, quen insiste en que o obxectivo final “é que todo o sector hostaleiro poda volver a abrir as súas portas e, con elo, siga xerando riqueza en Nigrán”.

    Así, segundo contempla xa o borrador, as persoas beneficiarias serán os autónomos do sector afectados pola orde de peche derivado das limitacións decretadas desde a Consellería de Sanidade o 4 de novembro (empadroados no municipio e titulares dun negocio no mesmo) e traballadores por conta allea sen dereito a ningún outro tipo de prestación (empadroados en Nigrán e que traballaran no sector un mínimo de 15 días antes da obriga de peche ao público, independientemente de que o establecemento non estea situado no municipio). No caso dos autónomos a axuda sería compatible con calquera outra que establezan as distintas administracións co compromiso adquirido de permanecer abertos un mínimo de 3 meses despois de serlle outorgada  e, no caso de desempregados  do sector sen ingresos, o compromiso sería o de busca activa de emprego.

    As subvencións resolveranse por concorrencia non competitiva, é dicir, ata esgotamento de fondos por orde de rexistro de entrada das solicitudes presentadas, puidendo ampliarse a contía máxima dos créditos dispoñibles se é preciso. “Non quedará ninguén fora, todo o que cumpra os requerimentos mínimos percibirá unha axuda”, finaliza o alcalde.

    Máis axudas

    O Concello de Nigrán anunciou a semana pasada que asumirá o vindeiro pago do recibo trimestral da auga e bonificará a parte proporcional do lixo do sector hostaleiro tamén como medida de apoio ante o seu peche sanitario forzoso. Dentro da súa liña de axudas específicas para a restauración, o Concello mantén o seu servizo gratuíto de envío de comida a domicilio mediante repartidor propio e a bonificación do 75% da taxa de terrazas tamén de cara a 2021 (ademais de flexibilizar a súa ampliación). A maiores, e para incluír ao outro sector prexudicados directamente por este peche, o Concello creou un plan de apoio a artistas locais mediante a súa contratación para dinamizar o comercio de proximidade durante a campaña da Nadal. Finalmente, o goberno local comprometeuse a rebaixar o imposto de rodaxe aos taxistas do municipio nun 75%, máximo que permite a lei.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS