10.8 C
Pontevedra
Sábado, 2 de Marzo de 2024
Máis
    HomeVal MiñorNigránO Concello de Nigrán acolle do 10 ao 12 de setembro a...

    O Concello de Nigrán acolle do 10 ao 12 de setembro a final do Campionato de España de Petanca Tripletas Masculino

    Participan 32 equipos de 13 federacións de toda España, o que supón máis de 120 persoas entre xogadores e técnicos

    O Concello de Nigrán acollerá do 10 ao 12 de setembro en Praia América a final do campionato de España de Tripletas Senior 1ª Masculino coa participación de 32 equipos de 13 federacións de petanca, o que convirte o evento nunha oportunidade única para difundir este deporte e o propio municipio. Entre os clubes clasificados figura o C.C.D.Bolos da Carrasca, de Nigrán, cun equipo formado por Eladio Araújo, Marcelino Giráldez, Ramiro Alves e Santiago Alonso (da comarca de Vigo figuran o C.P. Ensino e C.P. Teis). Esta final estaba prevista para maio de 2020 pero a situación pandémica obrigou a aprazala ata en dúas ocasións.

    “Esta cita é posible grazas ao C.C.D. Bolos da Carrasca, os grandes promotores da petanca en toda a comarca, grazas ao seu tesón e esforzo Nigrán pode acoller esta final nacional que pon en valor o noso municipio no exterior e que o dá a coñecer, por iso consideramos Praia América como o mellor escenario”, destacou durante a presentación o alcalde, Juan González. Así, máis de 120 deportistas (entre xogadores e técnicos) se hospedarán nestes días en Nigrán e, adicionalmente, a canle de televisión LaLiga Sport TV o retransmitirá en directo a todo o país.

    Para esta cita, o Concello de Nigrán habilitará na zona da antiga escola de vela de Praia América 16 canchas de competición, unha de adestramento e outra desde onde se televisarán as partidas. O venres 10 será a presentación dos equipos e o sorteo e durante todo o día 11 e 12 será a competición oficial, estando previsto a final para o domingo á tarde.

    “Desde a Federación Española de Petanca trasladáronnos a súa ledicia por facer a final en Galicia, onde non se celebraba desde hai moitos anos, e persoalmente, estou moi orgulloso de que por vez primeira sexa Nigrán o municipio elexido”, destacou Antonio Arcas, presidente da Federación Galega e xogador do C.P.Ensino.

    No CCD Bolos da Carrasca a propia seleccionadora galega Amelia Valverde ‘Milucha’ recoñece que é difícil acadar o título porque federacións como a de Andalucía ou Cataluña acuden con equipos de altísimo nivel. Compre destacar que o equipo feminino senior deste clube está tamén clasificado para a final, que se disputará en Mallorca do 24 ao 26 de setembro.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.