O alumnado e toda a Comunidade Educativa do CEIP Humberto Juanes, en Nigrán, podrán gozar nestes días de fin de curso 2020/2021 –que remata o martes 22 de xuño–, dunha interesantísima mostra de cómics realizada polo alumnado do centro na actividade extraescolar organizada pola ANPA do centro. Esta iniciativa foi desenvolvida ao longo do curso –os xoves en horario de 16:00 h a 17:30 h– pola ilustradora Coral Martínez.
A ANPA do Humberto Juanes, en coordinación co centro, ante a situación xerada pola pandemia e o cumplimento do protocolo COVID-19, apostou polo cumplimento do horario de actividades extraescolares de 16:00 h-17:30 h todos os días, nunha clara medida favorecedora da conciliación familiar, xa que os centros da zona do Val Miñor non tiveron actividades extraescolares.
Foi, sen dúbida, un grande esforzo xa que tiveron que adaptar todas as actividades para o cumplimento das condicións de máxima seguridade que require o protocolo COVID-19 e integralo na Programación Xeral Anual do Centro.
A exposición de Cómics podrá verse do 16 ao 18 de xuño, de 15:30 a 17:00, na biblioteca do colexio.
