O goberno de Nigrán proporá no vindeiro pleno ordinario do 28 de setembro que a IX Edición dos Premios Nigrán se adique a recoñecer públicamente as iniciativas solidarias contra o Covid-19 no municipio para retomar xa no 2021 o formato habitual. Deste xeito, o goberno plantexa que a gala correspondente a este ano (e que non se celebrou en maio debido ao confinamento) se realice no vindeiro mes de outubro e ao aire libre para unha maior seguridade sanitaria, trasladando ao 2021 as propostas de premiados realizadas en xaneiro por diferentes entidades (o goberno trasladou esta petición a inicios de ano a asociacións e partidos políticos, presentando candidatos a premios a A. V. Camoesa, A.V. Monteferro, Partido Socialista, Racing Vilariño, Fútbol Sala Panxón-Nigrán e OVALMI).
Asi o explica o goberno local na moción trasladada xa a oposición:
“O 2020 está sendo un ano que quedará marcado na Historia e na memoria de cada un de nos, especialmente os días de confinamento decretados durante o Estado de Alarma. Vivimos momentos moi difíciles que puidemos sobrelevar e superar grazas a persoas dispostas a arriscar as súas vidas e a amosar o seu lado máis solidario ante as circunstancias máis adversas, motivo polo que, consideramos, o seu compromiso debe ser recoñecido publicamente por este Concello.
Por iso, ante a magnitude desta crise sanitaria sen precedentes, consideramos que, de xeito excepcional, neste ano 2020 debe modificarse a gala dos Premios Nigrán para dedicala integramente á loita contra o Covid-19 no municipio pese que en xaneiro o goberno local xa pedira a partidos políticos e entidades do municipio propostas para a IX edición dos Premios Nigrán.
Consecuentemente e a tenor do exposto, consideramos que as propostas realizadas anteriormente á crise sanitaria por A. V. Camoesa, A.V. Monteferro, Partido Socialista, Racing Vilariño, Fútbol Sala Panxón-Nigrán e OVALMI deben ser as protagonistas da edición 2021 para realizar nesta de 2020 unha gala especial con seguintes premiados:
- SOCIAL: Persoal Axuda Domicilio e Traballadores Residencias de maiores de Nigrán
- SANITARIO: Persoal Sanitario
- EMPRESARIAL: Pequeno comercio – Caixeiras de Supermercados
- COMPROMISO: Persoal de Cespa e Aqualia, Policía Local, Garda Civil e Protección Civil
- EDUCATIVO: Plataforma Solidaria Didáctica Val Miñor – Voluntarias Colexios
- SOLIDARIEDADE: Empresas e persoas doadoras de alimentos e EPIS
- PREMIO ESPECIAL: Infancia e maiores de Nigrán
