11.8 C
Pontevedra
Venres, 21 de Xuño de 2024
Máis
    HomeVal MiñorNigránNigrán prepara una excursión a Bueu e ao Museo Massó

    Nigrán prepara una excursión a Bueu e ao Museo Massó

    O Concello de Nigrán continúa co seu programa de turismo social destinado á veciñanza da terceira idade cunha excursión o 23 de novembro a Bueu e arredores, Museo Massó, e xantar-baile no restaurante Casas, en Redondela. O prezo total é de 23 €/persoa e inclúe transporte, visita guiada, entrada ao museo e comida. A inscrición realizarase este venres 18 de Novembro na Oficina de Turismo Dunas de Gaifar (Panxón) de 9:00 a 12:00 horas (só se permite anotar un acompañante por cada solicitude e as prazas cubriranse por rigorosa orde de chegada).

    A excursión partirá ás 8:45 horas en autobús desde a Oficina de Turismo Dunas de Gaifar para visitar o Museo Massó, instalado nas naves industriais da antiga conserveira Massó Hermanos, nas inmediacións do porto de Bueu, na ría de Pontevedra e en pleno corazón da península do Morrazo. Documentación marítima, instrumentos de navegación ou testemuños das factorías conserveira e baleeira conforman este espazo. Ademais de coñecer Bueu e, segundo o tempo o permita, visitarase algún outro punto dos seus arredores, finalmente haberá xantar-baile no restaurante Casas de Redondela. O menú consta de langostinos, vieiras, merluza á romana, codillo, sobremesa, café e bebidas. O baile comezará ás 16:00 e a hora aproximada de regreso é ás 19:00.

    O Goberno local de Nigrán entende que viaxar “non só serve para descubrir lugares novos, senón que aporta moitísimos beneficios especialmente útiles para as persoas maiores, como a mellora do ánimo, aumento da creatividade, mellora da capacidade de resolver problemas, estimulación da actividade cerebral e reconstituínte da memoria e da atención”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.