4 C
Pontevedra
Domingo, 4 de Decembro de 2022
Máis
    HomeVal MiñorNigránNigrán aproba a renovación completa da tubaxe de impulsión en Torrente Ballester...

    Nigrán aproba a renovación completa da tubaxe de impulsión en Torrente Ballester para impedir calquera posible verquido á foz

    As tubaxes actuais resultan obsoletas, polo que constantemente son reparadas por problemas de roturas, circunstancia que se verá así solventada xunto co tramo de A Golada

    O goberno de Nigrán aprobou onte o proxecto de obra por valor de 108.150 € para instalar unha nova tubaxe de impulsión no tramo de Torrente Ballester, na Ramallosa, zanxando así con calquera posible problema de verquidos á Foz do Miñor en caso de roturas. O prazo de execución previsto é de 2 meses e comezará nas vindeiras semanas. Anteriormente, Aqualia substituirá 580 metros de tubaxe mediante o sistema de encamisado (evita abrir gabias) na Xunqueira á altura de A Golada, cun investimento de  143.000 € e completándose así toda a Avenida de Portugal.

    Segundo o propio proxecto recolle, a tubaxe de impulsión discorre paralela ao colector de saneamento da rúa Torrente Ballester e está obsoleta tras superar ampliamente a súa vida útil, polo que ten que ser reparada constantemente ante as roturas habituais ao ser unha estrada que soporta bastante tráfico. A nova proposta consiste na súa substitución íntegra por unha tubaxe de polietileno de 250 mm de diámetro e 1 qm de lonxitude (desde a Alameda ata Lourido). Para elo, o tramo de pedra da Alameda de San Campio e o escalón da cafetería da Terceira Idade será reposto coas mesmas pezas para evitar calquera impacto estético, mentras que no cruce do carril bici e no propio aglomerado da rúa substituirase por materiais idénticos (boa parte discurrirá pola terra das zonas axardinadas, polo que non terá impacto na estrada).

    “Ante o risco medioambiental constante que supón unha tubaxe nestas condicións propensas a rachar optamos por substituíla ao 100%, polo que unido a actuacións complementarias na zona que realizamos os pasados anos, podemos dicir que Nigrán zanxará calquera posible problema de verquidos puntuais á Foz ao ter toda a infraestrutura renovada”, explica o alcalde, Juan González, sobre este espazo integrado na Red Natura 2000.

    Este investimento de Aqualia súmase aos preto de 80.000 euros no ano 2016  na contorna da Alameda de San Campio, onde se arranxou o cruce de Torrente Ballester con Manuel Lemos cun novidoso sistema de ‘encamisado’ que evita abrir gabias (consiste en instalar manguitos de fibra de vidro chamados packers e mediante a inxección de aire a alta presión, se infla e comprime contra as paredes do colector; unha vez seco se desinfla e extrae, quedando xa selado). Esta actuación integral demandada desde o Concello incluíu a impermeabilización do pozo de bombeo xeral ubicado na Alameda, que presentaba filtracións nas paredes laterais e no fondo (nese mesmo ano realizouse a conexión á rede de saneamento do centro da terceira idade, que sorprendentemente vertía directamente ao río dende a súa creación). Xa máis recentemente, substituíronse todos os colectores do tramo da Avenida de Portugal, polo que todo o trazo do esteiro de A Foz de Nigrán será novo.

    “Temos un compromiso claro de mellora e protección do medio ambiente, por iso dende o Concello e Aqualia levamos a cabo un control absoluto da rede de saneamento. O obxectivo é acabar con tódolos verquidos coa maior urxencia. Na contaminación da Foz do Miñor están implicados os tres concellos da comarca e Nigrán está facendo tódolos deberes”, sinala o alcalde.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS