17.6 C
Pontevedra
Luns, 17 de Xuño de 2024
Máis
    HomeVal MiñorNigránLucenza-Ateneo de Nigrán organiza este sábado un acto sobre os naufraxios da...

    Lucenza-Ateneo de Nigrán organiza este sábado un acto sobre os naufraxios da ría de Vigo na memoria da xente

    Tino Costas Bergara, veciño de Nigrán, lembrará algúns destes acontecementos vividos ao longo do século XX

    Lucenza-Ateneo de Nigrán organiza este sábado 19 de febreiro, ás 19:00 horas, no Centro da terceira idade da Ramallosa (antiga estación do tranvía), unha charla sobre naufraxios na ría de Vigo, que terá como protagonista a Tino Costas Bergara, veciño de Nigrán, quén rememorará unha serie de acontecementos relacionados con accidentes marítimos sucedidos na comarca e na ría de Vigo ao longo do século XX.

    Acompañándoo estará tamén Xosé Lois Vilar Pedreira, historiador, arqueólogo e coñecedor en profundidade de moitos aspectos da historia e do patrimonio cultural da comarca, así como da toponimia, a cultura marítima e os naufraxios acontecidos neste sector da costa galega.

    Esta charla enmárcase nunha serie de actividades que o Ateneo de Nigrán irá desenvolvendo ao longo do tempo dentro do programa “Memorias e vidas da xente de Nigrán”, co que se pretende dar a coñecer vivencias e memorias de veciños, que nos poidan achegar información, experiencias e lembranzas de acontecementos, lugares e formas de vida do pasado, coa idea de contribuir así a manter e reforzar a memoria local de Nigrán e a súa poboación.

    Esta actividade, que xa estaba programada por Lucenza dende hai tempo, ten coincidido fatalmente coas novas do naufraxio do pesqueiro “Vila de Pitanxo”.  O Ateneo de Nigrán quere trasladar ás familias e aos pobos de orixe destes traballadores da pesca o seu pesar e a súa solidariedade coa xente do mar.

    Para a difusión das súas actividades, Lucenza conta cun perfil en Facebook (www.facebook.com/lucenzaateneonigran).

    Para máis información poden escribir ao enderezo electrónico:lucenzainfo@gmail.com ou contactar no teléfono 669404562 co seu presidente, Xabier Méndez.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.