17.7 C
Pontevedra
Xoves, 23 de Maio de 2024
Máis
    HomeComarcasRedondelaRedondela acenderá o alumeado de Nadal mañá venres coincidindo co 'black friday'...

    Redondela acenderá o alumeado de Nadal mañá venres coincidindo co ‘black friday’ do comercio local

    Con medidas rigorosas de seguridade sanitaria, o Goberno local prepara un programa de Nadal “no que os nenos e nenas serán os grandes protagonistas”

    As rúas e prazas de Redondela encheranse mañá, ás 18 horas, de luz e cor co acendido do alumeado de Nadal que o Goberno municipal quixo facer coincidir co ‘black friday’ do comercio local como medio para dinamizar as rúas e contribuír á recuperación deste sector “fundamental para a recuperación económica do municipio”, sinalaron a alcaldesa de Redondela, Digna Rivas e a concelleira de Comercio, María Castro.

    Rivas adiantou que a vindeira semana o Concello de Redondela dará a coñecer a programación de Nadal que, “pese aos estritos protocolos sanitarios, será unha programación ampla, variada e que terá nos nenos e nenas aos grandes protagonistas”. O Concello lembra que a pesar da pandemia e da “preocupante situación que segue presentando o municipio en canto a casos activos de COVID”, non se pode “quitar a ilusión do Nadal aos máis pequenos e pequenas da casa”.

    O programa que presentará o Concello servirá tamén para “facer esquecer, dentro do posible, o que se pode considerar xa como ‘un ano roubado’ no que a crise sanitaria marcou todos e cada un dos nosos pasos”.

    Pese a todas estas circunstancias adversas, engadiu Digna Rivas, “co alumeado que acendemos mañá, queremos non só encher de luz as rúas a prazas, senón de esperanza a todas os veciños e veciñas, a esperanza que o esforzo e sacrificio que todas e todos realizamos durante este longo ano, lévannos a mirar con certo optimismo o ano que está a piques de entrar”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.