13.9 C
Pontevedra
Venres, 1 de Xullo de 2022
Máis
    HomeComarcasRedondelaCarmela Silva reivindica o apoio á cultura, ao talento e ao cinema...

    Carmela Silva reivindica o apoio á cultura, ao talento e ao cinema no inicio da rodaxe de ‘María Solinha’ en Redondela

    A presidenta da Deputación de Pontevedra, Carmela Silva, participou esta mañá na rolda de prensa de presentación do inicio da rodaxe da nova película de Ignacio Vilar, ‘María Solinha’, que se gravará integramente na provincia e que conta cun reparto cen por cen galego.

    No acto, que tivo lugar na lonxa de Cesantes (Redondela), estivo acompañada da alcaldesa de Redondela, Digna Rivas; do concelleiro de Cultura do condello redondelá, Daniel Boullosa; do director do filme, Ignacio Vilar, das actrices protagonistas, Grial Montes e Laura Míguez, do responsable de Agadic, Jacobo Sutil, e outros participantes no proxecto.

    Na súa intervención, Silva fixo fincapé en que “un país non ten futuro se non ten cultura, se non ten cinema, se non apoia a creatividade e o talento” e engadiu que “dende a Deputación de Pontevedra queremos que a nosa provincia, as nosas rías, se convertan nun plató de cine, porque iso nos sitúa en Galicia, en España, en Europa e no mundo”.

    O filme do director Ignacio Vilar comezará a gravarse o vindeiro luns 19 de agosto nos concellos de Cangas, Redondela e Vigo

    “Hoxe estamos aquí para falar de creatividade, de talento galego, talento do sur de Galicia”, comezou a presidenta. Neste eido, Silva continuou explicando que as dúas actrices protagonistas estudaron no Centro de Artes Escénicas de Vigo, e destacou “o importante que é ter formación para que o teatro, o cinema, o audiovisual teña a forza que está a ter en Galicia e aquí, na provincia de Pontevedra”.

    En relación á película, a presidenta provincial amosou a súa felicidade porque “falemos das nosas mulleres, de mulleres galegas, que falan da nosa historia, de todas nós e, neste senso, María Solinha é unha desas tantas mulleres que foi perseguida, violentada e finalmente asasinada”. “O traveso da historia, as mulleres tiveron que enfrontarse sempre a discriminacións e persecucións por querer ser independentes, por ter riqueza que o patriarcado non asumía que estivese nas mans femininas”, recordou Carmela Silva.

    Para rematar, a presidenta da Deputación puxo en valor que esta película “se vai desenvolver na provincia, nos concellos de Cangas, Redondela e Vigo, nesta marabillosa ría” e destacou que “sen cultura non hai sociedade avanzada, así que todas e todos xuntos xa podemos dicir que antes de empezar a gravarse, María Solinha xa é un éxito que encherá a provincia de alegría e felicidade”. A Deputación de Pontevedra colabora na financiación da produción desta película co obxectivo de apoiar ao cinema feito en lingua galega, de visibilizar ás mulleres da provincia e, tamén, para dar a coñecer os territorios da provincia e atraer a visitantes, incrementando así o turismo.

    ‘María Solinha’ é un filme do director ourensán Ignacio Vilar que reconstrúe a historia de María Solinha, unha viúva rica acusada de bruxería e posteriormente queimada pola inquisición no ano 1621.

    Entre o seu elenco, cen por cen galego, destacan referentes do cine galego como Santi Prego, Antonio Durán ‘Morris’, ou Mabel Rivera, entre outros. O rodaxe da película, que será nos concellos de Cangas, Redondela e Vigo, iníciase este luns 19 de agosto e esta previsto que se estenda ata o 20 de setembro.

    COLABORACIÓNS

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Vangelis, ¡adiós maestro!

    El día de las letras gallegas el gran maestro griego, el único e inimitable Evangelos Odysssey Papathanissou empredió su camino hacía el Olimpo de los Dioses, porque es el único lugar en el que puede estar este gran compositor. Su música perdurará en el tiempo a la altura de los grandes músicos de la historia y es que su obra es inmensa y de una calidad fuera de toda duda.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS