Tag: salvaterra de miño

A alcaldesa de Salvaterra de Miño, Marta Valcárcel, vén de remitir un escrito á sucursal de ABANCA no municipio no que pide "a urxente retirada" das comisións que a entidade estalle a cobrar a súa clientela e "a reposición das mesmas".

O Consorcio Galego de Servizos de Igualdade e Benestar vén de licitar hoxe as obras de ampliación da escola infantil a Galiña Azul de Salvaterra de Miño por un importe de algo máis de 200.000 euros e un prazo de execución de seis meses. As empresas teñen 26 días naturais desde a publicación do expediente na Plataforma de Contratos de Galicia e no perfil do contratante do Consorcio para a presentación de ofertas.

Un ano máis o Concello de Salvaterra de Miño vénn de aprobar as axudas de 75,00 € destinadas á adquisición de libros e material escolar de infantil, para o curso 2020-2021. O obxecto destas axudas, sinala a alcadesa Marta Valcárcel, "é promover o principio de igualdade no exercicio da educación e compensar ás familias con escasos recursos para facer fronte aos gastos derivados da escolarización dos seus fillos e fillas".

Baixo o lema 'Salvaterra de Mińo un lugar para disfrutar, un lugar para vivir', o Concello de Salvaterra de Miño presentou a súa nova páxina web de turismo concibida como espazo dinámico, sinxelo e moi intuitivo. A web busca "ser un escaparate máis de todos os recursos que ofrece este Concello do Sur de Pontevedra, elaborada polo propio persoal da administración local", explica a alcaldesa Marta Valcárcel.

O Concello de Salvaterra de Miño anunciou a modificación dos actos que tiñan previsto celebrarse con motivo do Día do Orgullo LGTBI, cambios motivados pola actual crise da COVID-19 e que obrigan a que as actividades programadas estean enfoncadas, principalmente, ás redes sociais.

O Grupo Municipal do BNG en Salvaterra de Miño denunciou hoxe que “mentres nos Concellos da comarca os Gobernos municipais tiveron claro dende o principio que esta pandemia necesitaba de toda a cidadanía para combatelo, o Partido Popular de Salvaterra de Miño utilizou a situación para tratar de promocionarse e deixar fóra á oposición, aínda sendo consciente que representamos gran parte dos veciños e veciñas deste concello”.

A Consellería de Infraestruturas e Mobilidade, a través da empresa pública Seaga, está a levar a cabo esta semana traballos de limpeza e roza nas franxas situadas nas marxes da estrada autonómica PO-510, que comunica os municipios do Porriño e Salvaterra de Miño.

A alcaldesa de Salvaterra de Miño, Marta Valcárcel Gómez, reuniuse hoxe sábado cos presidentes das dúas Asociacións de Comerciantes do municipio para explicarlles as medidas adoptadas ata o momento polo Concello na loita contra a COVID-19.

A alcaldesa de Salvaterra de Miño, Marta Valcárcel, e os alcaldes de Arbo, Horacio Gil; As Neves, Xosé Manuel Rodríguez Méndez e Crecente, Julio César García-Luengo mantiveron unha xuntanza de traballo para solicitar das autoridades competentes a "reapertura da tempada de pesca tradicional do treito internacional dos ríos Miño e Tea en «pesqueiras» e «estacadas»".

O Concello de Salvaterra vén de poñer en marcha un grupo de voluntarios e voluntarias que se encargarán de confeccionar máscaras de protección que, posteriormente, serán repartidas entre todos os veciños e veciñas.

O Concello de Salvaterra de Miño vén de anunciar que ten máscaras sanitarias de protección a disposición de todas aquelas persoas de risco "que se teñan que desprazar ao médico e non teñan material de protección". As persoas interesadas poderán solicitalas a través do teléfono 697 911 050, en horario de 9 h a 13 h.

O Grupo de Goberno do Concello de Salvaterra de Miño, con adicación, doará o 30 % do seu soldo do mes de abril para a loita contra o COVID-19 (coronavirus). A alcaldesa Marta Valcárcel, os dous Tenentes Alcalde con adicación exclusiva e o concelleiro de Xuventude e Deportes, con adicación parcial, donarán a antedita porcentaxe da súa nómina do mes de abril para que sexa destinado a Servizos Sociais do Concello.

O confinamento obrigado a causa da pandemia do Covid-19, non é doada de levar e precisamente por iso, para facer máis doada a situación, o Concello de Salvaterra de Miño vén de impulsar unha serie de actividades dinamizadoras que, sinala a alcaldesa Marta Valcárcel, " poidan paliar os efectos da cuarentena como poden ser o aburrimento, o estrés, a ansiedade ou a ausencia de actividade física".

O Concello de Salvaterra de Miño vén de convocar, un ano máis e dentro do seu programa de conciliación, o 'Campamento de conciliación de Semana Santa' que se desenvolverá os días 6, 7, 8 e 13 de abril en horario de 9:00 h a 14:00 h. A iniciativa oferta, ademáis, un servizo de aula matinal dende as 7:30 horas.

O IES Salvaterra de Miño fixo entrega ao Concello de Salvaterra de Miño dun estudo titulado 'Salvaterra sen barreiras', sobre a mobilidade de persoas con discapacidade visual e motora no casco urbano de Salvaterra de Miño. A iniciativa desenvolveuse dentro do Proxecto Erasmus + KA3, ACT (Active Citizenship Projects to Enhance Pupils Social and Civic Competenced), un proxecto de Cidadanía Activa para mellorar as competencias social e cívica.

As xogadoras da Selección Galega Alevín Sur de Fútbol Sala, capitaneadas pola nova seleccionadora Bea Seijas, desprazáronse o pasado mércores ata o pavillón de Leirado realizar o seu adestramento. O combinado galego utilizou unhas instalacións que se acaban de reformar recentemente.

O pasado sábado 25 de xaneiro a Casa da Cultura de Salvaterra de Miño acolleu unha 'Xornada de sensibilización de primeiros auxilios' nunha iniciativa organizada dende o Concello de Salvaterra de Miño en colaboración coa Cruz Vermella.

Esta semana comezou en Salvaterra de Miño o curso 'Aprende a elaborar os teus textos oficiais' organizado polo Concello e que se desenvolverá todos os xoves, de 10:30 h a 12 horas na Casa da Cultura ata o vindeiro 13 de febreiro.

O Concello de Salvaterra de Miño vén de presentar o programa de charlas formativas que se impartirán dende o 'Orquidiario' do Parque Público A Canuda entorno ao coidado das orquídeas. O parque de Salvaterra de Miño, con máis de 200.000 metros cadrados, alberga o único orquidiario de Galicia e Norte de Portugal con máis de 100 variedades e preto de 500 orquideas.

O Museo do Viño de Salvaterra de Miño xunto ao Concello e a Confraría presentou a "ampla e variada" oferta de accións formativas para este ano 2020, un proxecto cualificado polos organizadores como "ambicioso e pioneiro tanto por número de accións coma polo contido das mesmas".

O Concello de Salvaterra de Miño vén de facer efectivo o pago da primeira anualidade da compra do antigo edificio da Cámara Agraria para a súa reconversión en Casa da Música. O Pleno da Corporación Municipal, por unanimidade, aprobou esta operación que ascende a 115.522,03 € que serán aboados en catro anualidades.

A directora xeral de Administración Local da Xunta de Galicia, Marta Fernández-Tápias, acompañada pola alcaldesa de Salvaterra de Miño, Marta Valcárcel Gómez, visitaron as obras de mellora de eficiencia térmica que se teñen realizado na Casa de Cultura e que contaron cun investimento de 48.150,25 €.

Co lema 'Veña facer exercicio físico, axudando o próximo', o vindeiro día 28 de decembro ás 20 horas (19 h, hora portuguesa) terá lugar a saída da San Silvestre Solidaria que, un ano máis, unirá Salvaterra de Miño e Monção. Nesta edición, os participantes de máis idade, tanto na categoría masculina como feminina, recibirán un premio. O mesmo acontecerá co grupo máis numeroso que participe.

O Concello de Salvaterra de Miño ven de aprobar en pleno a adhesión ao Pacto dos alcaldes sobre o clima e enerxía, compromenténdose a reducir as emisión de CO2 e aumentar a súa resiliencia mediante a adaptación ás repercusións do cambio climático.

'EDUCACIÓN+IGUALDADE= -VIOLENCIA' de Diego Estévez Rivera, foi elixido como slogan gañador do concurso que, dentro do programa de Educación en Igualdade e Prevención da Violencia, organiza o Concello de Salvaterra de Miño en colaboración do IES e no que participan máis de 200 mozos e mozas.

O Concello de Salvaterra de Miño ven de asinar o contrato para 'mellora de seguridade víal mediante pasos peatonais sobreelevados nos viais municipais de Salvaterra de Miño' a través do Plan Provincial Deporemse, por un importe de 178.265,57 € e un prazo de execución de dous meses e quince días.

O conselleiro de Cultura da Xunta de Galicia, Román Rodríguez, e a alcaldesa de Salvaterra de Miño, Marta Valcárcel, veñen de asinar un convenio para a promoción turística do municipio a través da instalación e posta en servicio de pantallas e monitores en distintos puntos do casco urbano, de forma que os visitantes teñan acceso directo á información.

O vindeiro sábado, 9 de novembro, a Sociedade Cultural e Desportiva do Condado organiza en Salvaterra de Miño, unha nova edición do seu xa tradicional magosto, unha cita que leva máis de corenta anos de celebración e que, ano a ano, acada un maior número de participantes.

A alcadesa de Salvaterra de Miño, Marta Valcárcel, vén de asinar o contrato coa empresa Vías e Servizos Compostela S.L. para a mellora da capa de rodadura da PO 400 –dende a glorieta existente na Rúa Castelao ata a glorieta da PO 510 coa PO 402– e a propia PO 400, estrada que a Xunta de Galicia ven de traspasar ao Concello.

Un home foi atopado sen vida no interior dunha casa ardendo no concello pontevedrés de Salvaterra de Miño. A vítima, con mobilidade reducida, foi localizada polos bombeiros de Ponteareas na súa cama cando conseguiron entrar no interior da vivenda para atallar o lume que comezou polo tellado, e que destuiu por completo o inmoble no lugar de Souto.

O vindeiro día 27 de novembro a Asociación Cultural Quinta do Piñeiro celebra a súa particular festa da esfollada e recolleita de millo. Nesta festa levaranse a cabo diversas actividades para todos os públicos. Comezarán as 11 da mañá coa ruta de tractores, se alguén se quere anotar para acudir co seu tractor debe facelo no teléfono: 637 764 865.

A alcadesa de Salvaterra de Miño, Marta Valcárcel, anunciou a posta en marcha dun proxecto que se desenvolverá ao longo de catro anos, de cara a poñer en valor distintos espazos municipais a través dun proxecto educativo do IES Salvaterra. Con este fin, a rexedora local mantivo un encontro do vicedirector do centro, José Quiroga e a profesora de Arte, Paloma Romero.

O vindeiro xoves, 31 de outubro, o Concello de Salvaterra de Miño celebrará o Samaín con actividades para todas as idades que terán como punto de encontro a Praza do Concello.

A alcaldesa de Salvaterra de Miño, Marta Valcárcel, vén de asinar o contrato da obra 'Mellora de camiños municipais en Lourido, Fornelos e Meder' coa empresa adxudicataria do concurso público Naron SL, financiada con cargo á subvención concedida pola Axencia Galega de Desenvolvemento Rural da Consellería de Medio Rural.

O xefe Territorial da Consellería de Infraestruturas, Jose Luis Díez, desprazouse esta mañá ata Salvaterra de Miño acompañado por diferentes técnicos da Consellería, para informar á alcaldesa do municipio, Marta Valcárcel Gómez, das obras que se van a acometer na rotonda da PO-403

O BNG de Salvaterra de Miño vén de elixir en asemblea a Lucas Suárez Piñeiro como novo responsábel local da formación nacionalista. Aos seus 27 anos, Suárez toma o relevo dun histórico do BNG na localidade como é J. Andrés Martínez Alonso, que continuará formando parte activamente do Bloque.

O Concello de Salvaterra de Miño, participa de xeito activo, un ano máis no programa «Ler conta Moito», unha iniciativa de dinamización da lectura que ofrece ás bibliotecas públicas da Rede, a través do seu catálogo actividades, distintas categorías coas que achegar á cidadanía á lectura e á información dunha maneira lúdica e atraínte.

Medio cento de alumnos e alumnas do IES Salvaterra visitaron onte o Centro de Formación Profesional (Eprami) de Monção, nun acto enmarcado dentro da semana da Eurocidade Monção-Salvaterra. Mozos e mozas coñeceron de primeira man as distintas posibilidades de formación profesional que ofrece este centro situado a menos de cinco minutos de Salvaterra.

O Concello de Salvaterra de Miño e a Câmara Municipal de Monção traballan na preparación da que será a 'II Semana da Eurocidade' que este ano busca ser o recoñecemento mútuo dos recursos educativos. A segunda edición desta celebración transfronteiriza terá lugar na última semana deste mes de setembro.

O Concello de Salvaterra de Miño ven de contratar a instalación dunha plataforma salva escaleiras de cara garantir a accesibilidade á Casa da Cultural ás persoas con mobilidade reducida. A alcaldesa Marta Valcárcel sinalou que non se pode esquecer que o edificio da Casa de Cultura "funciona como centro multiusos onde se realizan numerosas actividades".