Positivo balance do C.N. Ponteareas nos Campionatos Galegos de Natación

Pontevedra acolleu as probas dos Campionatos Galegos de Natación,

unha importante cita deportiva que abarcaba dende a categoría infantil (nadas no 2004 e 205 para as rapazas e no 2003 e 2004 para os rapaces) ata a categoría absoluta. O campionato, en formato de catro xornadas, disputouse na piscina de 50 m da capital da provincia.

O C.N. Galaico de Pontevedra, proclamábase campión absoluto masculino, feminino e en conxunto. Pese a iso, o Club Natación Ponteareas asinou un brillante papel con 7 medallas de ouro, 12 de prata, 10 de bronce e unha Mellor Marca Galega de 15 anos conseguida por Pablo Cabana nos 800 m libres.

[Not a valid template]

O equipo feminino do club ponteareán acadaba a segunda posición mentres que o equipo masculino clasificábase nuna meritoria quinta praza. No conxunto, o C.N. Ponteareas remataba a competición cun salientable cuarto posto dun total de 26 equipos participantes.

Cómpre tamén salientar as medallas acadadas polos equipos de relevos 4×100 m estilos, 4×200 m libres e 4×100 m libres absoluto femenino. Pola súa parte, o equipo masculino infantil tamén subiu ao podio nos 4×100 m estilos e 4×200 m libres