13.9 C
Pontevedra
Sábado, 22 de Xuño de 2024
Máis
    HomeO CondadoPonteareasPonteareas, presente nas xornadas da Comisión de Discapacidade Intelectual e Saúde Mental

    Ponteareas, presente nas xornadas da Comisión de Discapacidade Intelectual e Saúde Mental

    A Comisón ten como obxectivos coñecer as actividades que realiza cada entidade en materia de promoción e educación para a saúde

    A tenente de alcalde e concelleira de Saúde do Concello de Ponteareas, Cristina Fernández e a concelleira de Benestar Social e Igualdade, Verónica Carrera, participaron nas accións de promoción da saúde organizadas pola Comisión de Discapacidade Intelectual e Saúde Mental do concello de Salamanca.  

    Como membros da, RECS e a DEMOS, e buscando cumprir os ODS 2030 (Obxectivos de Desenvolvemento Sostible) en temas de Igualdade, medioambiente e saúde, entre outros obxectivos, as concelleiras asistiron as actividades formativas e de sensibilización para profesionais.

    A Comisión de Discapacidade Intelectual e Saúde Mental ten como obxectivos coñecer que actividades realiza cada entidade en materia de promoción e educación para a saúde, poñer en común as necesidades que existen, establecer sistemas para o intercambio de información, desenvolver programas de promoción e eduación para a saúde, así como realizar actividades de sensibilización e formación sobre a saúde e discapacidade intelectual e saúde mental.


    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.