17.6 C
Pontevedra
Luns, 17 de Xuño de 2024
Máis
    HomeO CondadoPonteareasPonteareas afronta a fase final do PXOM "adaptado ás esixencias da Xunta"

    Ponteareas afronta a fase final do PXOM “adaptado ás esixencias da Xunta”

    O alcalde de Ponteareas, Xosé Represas, convocará nos vindeiros días aos grupos políticos a unha comisión informativa na que se abordará o PXOM “adaptado ás esixencias da Xunta de Galicia” como paso previo a súa aprobación. Con esta convocatoria o goberno municipal enfila a fase final do PXOM para lograr a aceptación e aprobación definitiva por para da Xunta. Cómpre lembrar que en febreiro de 2016 o Pleno resolveu as alegacións presentadas polos cidadáns e aprobou provisionalmente o PXOM que se remitíu á Xunta para a súa aprobación.

    Tras un ano de espera a a decisión da administración autonómica decidíu en 2017 rexeitar o Plan aprobado no Concello esixindo cambios profundos e relevantes. A decisión da Xunta obrigou ao equipo redactor do Plan, a empresa GOC, a realizar unha revisión total do documento que foi entregada no Concello en novembro de 2018.

    O goberno local decidíu entón expoñelo publicamente para revisar e correxir erros técnicos. Segundo explica a tenente de alcalde e concelleira de Urbanismo, Chus Garrote, dita revisión foi realizada polos técnicos municipais que atenderon á cidadanía nas 87 citas a particulares e 21 citas cos representantes das parroquias, recibindo nalgún caso a tres colectivos por parroquia, isto deu como resultado 49 solicitudes de correcións que foron trasladadas ao equipo redactor para o seu estudo por se se tratase dun erro.

    Ademais, de 120 peticións que non concretan ningunha problemática. Nos últimos meses o goberno local convocou aos colectivos de todas as parroquias a reunións técnicas para informalos dos cambios realizados por imposición da Xunta.

    Segundo o goberno local “o traballo está na fase final seguindo as directrices da administración autonómica cumprindo as súas esixencias, polo que agora toca analizar toda a documentación para a aprobación do PXOM, envialo á Xunta e que esta o aprobe de forma definitiva nos tres meses que lle concede a Lei”.

    Os responsables municipais son optmistas ao sinalar que “non hai dúbida de que agora por fin teremos plan despois de 17 anos” ao mesmo tempo que aseguran que “a Xunta xa non terá excusas para rexeitalo, está feito como esixiron e para Ponteareas é mellor ter este PXOM, aínda que non sexa o que máis nos gustaría, que seguir sen un Plan Urbanístico”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.