8.7 C
Pontevedra
Xoves, 28 de Marzo de 2024
Máis
    HomeO CondadoPonteareasO alcalde de Ponteareas, satisfeito "co interese da Xunta" en cofinanciar a...

    O alcalde de Ponteareas, satisfeito “co interese da Xunta” en cofinanciar a ampliación da depuradora

    O alcalde ponteareán, Xosé Represas, aclara que de acordo co convenio proposto polo Estado as actuacións e obras se levarán a cabo entre 2020 e 2023

    O Alcalde de Ponteareas, Xosé Represas, amosou a súa satisfacción polo “enorme interese” da Xunta de Galicia en cofinanciar a ampliación da depuradora da localidade. A Conselleira de Infraestruturas e Mobilidade, Ethel Vázquez, explicou onte que ven de solicitar “a celebración dunha xuntanza urxente para que a Xunta e o Goberno de España poidan abordar conxuntamente, o antes posible, o financiamento (…) da depuradora de Ponteareas”. Represas dixo compartir “a urxencia da conselleira”.

    O alcalde lembrou que “tras conseguir que o Estado redactara o proxecto das obras a realizar, insistimos na necesidade de financialas mediante un convenio entre Estado, Xunta e Concello, unha idea na que tamén coincide o goberno galego”.

    Represas espera que o convenio entre as tres partes se asine en breve, pois xa existe o compromiso político do Estado e do Concello e só falta o da Xunta. Dito convenio prevé un investimento duns 9 millóns de euros para os que a Xunta tería que achegar o 20%, 1.800.000 euros.

    Conforme ao convenio, a previsión é que a ampliación da depuradora e os colectores xerais de nova creación que rodearán o casco urbano estean rematados en 2023. “Logo de 25 anos con vertidos ao Tea estamos moi esperanzados de que unha obra desta envergadura se poda concluir no prazo previsto, marcando un antes e un despois para o noso río e o entorno natural de Ponteareas”, salientou Represas.

    A Conselleira de Infraestruturas e Mobilidade tamén asegurou que á vista do borrador do convenio, o Estado non prevé investimentos no ano 2020 e que se iniciarán en 2021. Represas amosouse extranado con estas declaracións xa que “no borrador non figura o calendario de investimentos do Estado, só figura a proposta para a Xunta e o Concello”. Engade o alcalde que “é certo que o calendario que se propón para a Xunta vai do 2021 ao 2023, pero no caso do Concello o seu calendario de aportacións comeza xa en 2020 até o 2023. De feito, na táboa de aportacións municipais figuran dúas

    columnas, nas que por erro se repite o ano 2021, cuestión sen relevancia pois estamos diante dun borrador pendente de revisar e concretar entre as tres administracións”.

    Represas animou á Xunta “a comprometerse canto antes no financiamento desta actuación tan importante para Ponteareas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.