10.8 C
Pontevedra
Martes, 19 de Marzo de 2024
Máis
    HomeO CondadoPonteareasAs comunidades de montes de Arcos e Ponteareas piden explicacións á Xunta...

    As comunidades de montes de Arcos e Ponteareas piden explicacións á Xunta pola falta de medios no incendio de Bugarín

    Medio cento de persoas voluntarias das comunidade frearon cos seus medios unha fronte de 300 metros. Na da Picaraña había 4 camións motobomba, só con condutor e sen efectivos para manexar as mangueiras

    As Comunidades de Montes de Ponteareas e Arcos remitiron un escrito á Consellaría do Medio Rural pedindo explicacións pola falta de medios e descoordinación no incendio que se iniciou a pasada semana en Bugarín e que ameazou o monte veciñal das dúas parroquias na Picaraña. Segundo explican os comuneiros, no frente que avanzaba cara o monte da Picaraña se personaron sobre as 20 horas medio cento de persoas voluntarias de ambas as dúas comunidades, con batelumes e mochilas sulfatadoras de auga.

    Nese punto chegáronse a concentrar nos minutos seguintes catro camións motobomba sen que houbera efectivos da Xunta para manexar as súas mangueiras. Tras preto dunha hora nesa situación apareceu unha BRIF (Brigada de Reforzo de Incendios Forestais) composta duns 20 efectivos que se introduciron no monte e se dirixiron cara outro frente, mentres o da Picaraña permanecía desatendido.

    Persoas voluntarias

    Finalmente, as persoas voluntarias internáronse no monte e encargáronse de frear o lume, extinguíndoo nun frente dus 300 metros, até alcanzar a zona na que o voluntariado de Bugarín facía o mesmo, sempre sen o apoio dos camións que permanecían nas pistas forestais pero que non contaban con persoal para o manexo das magueiras.

    Só unhas tres horas despois, sobre as 23 horas, e cando a maior parte do frente xa estaba controlado pola actuación do voluntariado, apareceron os bombeiros forestais da Xunta para rematar a extinción e refrescar a zona. Ademais, para estender as mangueiras polo monte até a zona do lume precisaron da colaboración do voluntariado pois os efectivos eran escasos.

    Para as CMVMC resulta inconcebíbel concentrar catro camións motobomba nunha fronte do incendio sen efectivos para facer uso deses medios. Os comuneiros lembran que en 2017 o lume chegou até a Picaraña e foron tamén as persoas voluntarias co apoio dos bombeiros do Concello de Ponteareas os que atallaron o lume, ante a ausencia total de medios da Xunta.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.