17.2 C
Pontevedra
Domingo, 4 de Xuño de 2023
Máis
    HomeBaixo MiñoTuiO Plan ReacPon recupera a entrada do Camiño Portugués a Tui como...

    O Plan ReacPon recupera a entrada do Camiño Portugués a Tui como espazo peonil

    Carmela Silva destaca o carácter integral dun proxecto valorado en case 900.000 euros “que continúa a transformación que o alcalde lidera dende que tomou posesión”

    Facer o Camiño Portugués a Santiago será unha experiencia aínda máis gratificante a partir do ano próximo. A presidenta da Deputación, Carmela Silva, e o alcalde de Tui, Enrique Cabaleiro, asinaron o convenio do plan Reacciona Pontevedra (ReacPon) para a humanización das rúas Antero Rubín e Coengo Valiño, porta de entrada da ruta xacobea ao centro histórico tudense. O orzamento total alcanza os 897.252 euros, dos que a Deputación achega de xeito directo 717.802 euros e os 179.450 euros restantes a través do Plan Concellos 2022.

    Carmela Silva destacou a capacidade de Tui para presentar un proxecto cun valor moi singular, “no centro neurálxico do Camiño Portugués, e moi próximo a lugares de interese patrimonial como o convento de Santo Domingo”. A presidenta puxo especialmente en valor que tras estas obras, que comezarán moi en breve ao estar o expediente moi avanzado por parte do Concello, crearán “espazos amables para as persoas”. De feito destacou que o espazo peonil incrementarase máis dun 85%, “o que dá unha idea da transformación que pretende facer Tui”. A presidenta subliñou a vocación integral dun proxecto “que continúa a transformación que o alcalde lidera dende que tomou posesión”. Recalcou que Tui é unha vila especialmente fermosa, con historia e potencial para ofrecer calidade de vida e atraer visitantes. Celebrou ademais que este “concello emblemático” celebre deste xeito o décimo aniversario do nacemento da eurocidade Tui-Valença do Miño, “un tránsito que está apegado aos sentimentos de tódalas persoas de Galicia e da provincia de Pontevedra”.

    Concluíu recordando que a Deputación decidiu contribuír á recuperación da provincia convocando o plan ReacPon, que supuxo a adxudicación de 47 proxectos a outros tantos concellos de menos de 50.000 habitantes da provincia, para o que o ente provincial decidiu solicitar un crédito de 25 millóns de euros. “Trala pandemia”, afirmou a presidenta, “fomos moi conscientes de que era necesario despregar políticas económicas expansivas”. Explicou que a Deputación achega anualmente 43 millóns de euros en recursos ordinarios a través do Plan Concellos, “pero tamén era necesario un plan extraordinario que permitira sacar adiante proxectos que precisan de recursos extraordinarios”. Un plan como o ReacPon, continuou, cunhas bases moi esixentes para garantir a calidade dos proxectos e tamén cun prazo de execución que remata en abril do próximo ano 2023.

    “As cidades non nos pertencen; o patrimonio é de todos”

    Enrique Cabaleiro destacou que o de hoxe é “un día importante para Tui” e recalcou que a humanización da entrada do Camiño de Santiago era unha das prioridades coas que viña traballando dende o comezo do actual mandato municipal. Neste senso agradeceu a “folla de ruta” marcada pola Deputación para a transformación dos espazos públicos en lugares para as persoas, en detrimento dos vehículos. Recordou que as rúas Antero Rubín e Coengo Valiño, a pesar de ser a porta de entrada do Camiño de Santiago estaban en estado de abandono e gran deterioro urbanístico, produto da falta de sensibilidade e a deficiente planificación”. Era necesario, continuou, darlles “unha nova imaxe”. “As cidades non nos pertencen ás persoas que vivimos nelas; o patrimonio é de todos/as”, destacou.

    O alcalde agradeceu o “dobre apoio” da Deputación achegando unha subvención do ReacPon e permitindo que a achega municipal se financie co Plan Concellos. “Sen a Deputación sería imposible levar a cabo esta obra”. Ademais quixo agradecer á presidenta provincial “a súa sensibilidade para transformar os espazos urbanos”. “O cambio no Goberno da Deputación foi clave, porque os principais proxectos transformadores nesta provincia veñen da man da Deputación”, afirmou. Ademais, engadiu, cun reparto equitativo “e non interesado, en función de quen goberne”. “Eu son representante dun goberno local socialista, pero tamén me alegro de que aquelas vilas que están gobernadas polo Partido Popular reciban o que lles pertence”. “Hai que poñelo en valor”, remachou, ”porque coa Administración autonómica as cousas non funcionan de igual xeito”. O proxecto de humanización das rúas Antero Rubín e Coengo Valiño abrangue unha lonxitude total de 301 metros e unha superficie de  case 2.500 metros cadrados. A obra divídese en dous tramos. No primeiro (entre os cruzamentos con Bispo Lago e travesía de Santo Domingo) restrinxirase o tráfico rodado permitindo só os vehículos dos residentes, autorizados ou de emerxencias, e crearase plataforma continua de preferencia peonil. No segundo tramo (encontro de Coengo Valiño coa súa travesía) haberá unha plataforma mixta, onde os diferentes pavimentos e a incorporación de elementos vexetais garantirán a seguridade peonil. As beirarrúas serán ampliadas, retiraranse as barreiras da accesibilidade e introduciranse medidas de “calmado” de  tráfico. Toda a zona pasará a contar con áreas de esparexemento, zonas verdes, elementos de auga e zonas de sombra, así como mobiliario urbano con bancos, fontes, papeleiras e elementos para poñer en valor os bens históricos como puntos informativos ou “puntos selfie”. As canalizacións de saneamento e abastecemento serán renovadas e soterraranse as instalacións aéreas de electricidade, telecomunicacións e iluminación pública.

    COLABORACIÓNS

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    “The Last Of Us”

    Hace unos días, terminé de ver la primera temporada de la serie "The Last Of Us", una serie basada en la historia de un videojuego inspirado en un mundo apocalíptico.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    83 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS