16.6 C
Pontevedra
Venres, 14 de Xuño de 2024
Máis
    HomeBaixo MiñoTuiPaco Nogueiras con Extra! achega unha nova actividade de animación á lectura...

    Paco Nogueiras con Extra! achega unha nova actividade de animación á lectura na Biblioteca de Tui

    Forma parte da programación Tui en Letras

    Paco Nogueiras actuará hoxe martes, 21 de maio, ás 18.30 na Biblioteca Pública Municipal de Tui nunha novas actividade de animación á lectura dirixidas aos rapaces e rapazas dende 5 a 10 anos. Este evento forma parte daprogramación de “Tui en letras” que promove a concellería de Ensino, Cultura e Mocidade.

    Con “Extra!” chega un dos últimos traballos, un “xornal musical”, que Paco Nogueiras (Premio Martín Códax da música infantil) ideou para compartir cos rapaces e as familias. En EXTRA! os temas dispóñense en distintas seccións onde cada composición aborda noticias nacionais e internacionais, sucesos, información social, cultural e divulgativa, deportes, opinión, pasatempos e ata unha axenda de actividades. Como subliña na súa presentación PacoNogueiras: “EXTRA! convídate a conectar co mundo e transformar a realidade en canción. Quen dixo que non se poden cantar as noticias? E bailalas? En EXTRA! pódese. E cantos/as máis sexamos, moito mellor. Melodías e ritmos modernos, pegadizos e bailables que convidan á participación do público. EXTRA! é alegría, diversión, imaxinación e información”.

    A concelleira de Ensino, Cultura e Mocidade do Concello de Tui, Sonsoles Vicente Solla, indica que con esta nova actividade vaise completando o programa de “Tui en Letras” que promove diversas actividades de achegamento ao libro, a lectura e o idioma galego para os distintos segmentos de idade. A vindeira cita será este sábado, 25 de maio, coa celebración no céntrico Paseo da Corredoira da XXV edición da “Feira do Libro galego”  que tivo que ser aprazada da súa data tradicional, o 17 de maio – Día das Letras Galegas, polas inclemencias do tempo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.