13.7 C
Pontevedra
Sábado, 18 de Maio de 2024
Máis
    HomeBaixo MiñoTuiAberto o prazo de inscrición para o Taller de Inmersión á repostería...

    Aberto o prazo de inscrición para o Taller de Inmersión á repostería sefardí

    A concellería de Turismo do Concello de Tui oferta, dentro do programa de actividades das Xornadas Europeas da Cultura Xudía, un taller de inmersión á repostería sefardí. Correrá a cargo de Abigail Cohen, propietaria da única pastelaría con obradoiro artesanal de pastas xudías existente en España, a Pastelería ‘La Candela’ en Hervás.

    O obradoiro constará dunha parte de introdución á cultura sefardí, os seus costumes, ingredientes básicos e a cociña kosher así como ás festividades xudías e os seus doces para continuar, xa coas mans na masa, aprendendo a elaborar os produtos. Os participantes levarán despois a receita e unha mostra das pastas elaboradas.

    Trátase dunha oportunidade para saborear ricos doces, que Abigail Cohen elabora con mimo, o vindeiro venres 18 de setembro ás 19:.00 horas, na Aula Uned (Convento de San Domingos) de Tui.

    O taller de inmersión á repostería sefardí está dirixido aos profesionais do sector da hostalaría, restauración e alimentación así como a persoas interesadas nesta temática. As inscricións se realizan na Oficina de Turismo, de forma presencial, no teléfono 677 418 405 ou no correo turismo@tui.gal.

    O obxectivo do Concello de Tui é contribuír á consolidación dunha oferta turística diferenciada arredor do patrimonio xudeu de Tui que incremente os recursos que, para turistas e visitantes, ofrece á nosa cidade.

    Esta actividade forma parte do programa ‘Sabores de Sefarad’ que promove a Red de Juderías–Caminos de Sefarad á que pertence o concello de Tui.

    O 26 de outubro continuará o programa en Tui coa presenza de Javier Zafra, auto do libro ‘Sabores de Sefarad, los secretos de la gastronomía judeo-española’, que abordará unha xornada sobre esta temática.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.