14.3 C
Pontevedra
Martes, 21 de Maio de 2024
Máis
    HomeBaixo MiñoTomiñoO PP de Tomiño solicita que as acudas para actividades sociais, culturais...

    O PP de Tomiño solicita que as acudas para actividades sociais, culturais e deportivas increméntense ata os 120.000 euros

    -Os populares lamentan que o executivo do BNG leve catro anos coas achegas estancadas tras diminuír a partida orzamentaria nun 10 % en 2021 e desbotando os efectos do 20 % de suba da inflación nos últimos tres exercicios, o que mingua as accións das asociacións

    O grupo municipal do PP de Tomiño vén de solicitar, a través dunha moción que se debatirá no vindeiropleno ordinario, o incremento das axudas municipaispara actividades sociais, culturais e deportivas ata os 120.000 euros anuais a partires do ano 2025 para tratar de deixar atrás os recurtes económicos do goberno local nesta materia nos últimos catro anos.

    Os populares indicaron que o executivo do BNG chegou a destinar ata 100.000 euros para estas actividades, pero no ano 2021 aplicou o que cualifican de “tesoirazo” do 10 % e baixou a partida ata os 90.000 euros, cifra na que permanece estancada desde entón e que “tristemente” se mantén no presente 2024. E ademais deste recurte efectivo en termos absolutos, as asociacións e os deportistas de Tomiño tamén se ven afectados por outra diminución nas achegasmunicipais que reciben, posto que a conxelación da partida non lles permite compensar a suba da inflación en preto dun 20 % ao longo dos últimos tres anos e mingua as súas posibilidades de accións e funcionamento.

    “A perda adquisitiva real dos colectivos, que son fundamentais para a dinamización do noso municipio coas súas actividades, cífrase nun 30% nos últimos catro anos, xa que ao recurte do goberno local haique engadirlle que, con eses mesmos cartos, poden facer moitas menos cousas porque, como todo o mundo entende, todo subíu moito de custe nestetempo. Polo tanto, só podemos lamentar o desleixodo goberno do BNG coas asociacións e cos nososdeportistas e imos esixirlle que rectifique de cara o próximo ano”, detallou a voceira municipal, Lara Meneses.

    En concreto, na proposta presentada polo PP tomiñés demándase que a partida se incremente dos 90.000 euros actuais ata os 120.000 euros co dobreobxectivo de recuperar a contía que estaba vixenteata o ano 2020 e compensar a perda adquisitiva real polos efectos da suba do IPC. Ao respecto, engadena necesidade de que este “razoable aumento” esteavixente a partires do próximo ano e se inclúa unhapartida específica nos Orzamentos Municipais 2025.

    “Estamos a facer unha proposta construtiva, xusta e necesaria, que ademais está orientada a tratar axeitadamente aos colectivos e deportistas que tanto fan por Tomiño e actuamos ademais en tempo e forma para que o goberno, se ten a ben atendela, poida incluila nas contas do ano que vén cando comece coa súa elaboración no vindeiro outono”, explicou a concelleira.

    Finalmente, o PP local lembrou que concellos moisimilares en poboación e movemento asociativo, como é o caso de Cambados, destinan máis fondos a esta materia, cifrados en 122.000 euros por exercicio, e lamentou a perda de peso específico destas axudas nos orzamentos municipais, xa que no ano 2017 representaban o 1,41% das contas do Concello e no presente exercicio apenas suporán o 0,98% dos recursos públicos de Tomiño.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.