10 C
Pontevedra
Venres, 1 de Marzo de 2024
Máis
    HomeBaixo MiñoTomiñoA Eurocidade Cerveira-Tomiño convida á súa veciñanza a seguir participando nos Roteiros...

    A Eurocidade Cerveira-Tomiño convida á súa veciñanza a seguir participando nos Roteiros do Miño

    A Eurocidade Cerveira-Tomiño convida á súa veciñanza, dun e outro lado da fronteira, a seguir participando nos Roteiros do Miño 2021. O xoves 29 de agosto ás 9.30 horas, terá lugar a 3ª saída: Andaina dos Fortes da Guerra da Restauração.

    Carlos Oliveira, coordinador da actividade, explica que nesta ruta “retrocederemos ao século XVII, concretamente, ao período comprendido entre os anos (1640-1668) ca declaración de Independencia do Reino de Portugal (1 de decembro de 1640) e a posterior Guerra de Restauração entre o Reino de España e o Reino de Portugal. Visitaremos varias construcións fortificadas e outras xa desaparecidas daquela época, acompañados con varios expertos que nos axudarán a “revivir” unha parte da Historia na Raia do Baixo Miño”.

    Para poder participar en calqueira destas rutas, é preciso reservar praza inscribíndose nos roteiros a través da ligazón https://eurocidadeonline.cm-vncerveira.pt/#/home. Para isto é preciso rexistrarse como cidadán da Eurocidade cubrindo un formulario cos datos persoais. Ante calquera dúbida pódese chamar ao número +351 251 708 020 ou enviar un correo a cerveira@eurocidadecerveiratomino.eu.

    Se algunha persoa o preferise pode inscribirse tamén enviando soamente un correo electrónico a: roteirosminho@hotmail.com con estes datos: nome, data de nacemento, teléfono de contacto e correo electrónico.

    A Eurocidade Cerveira-Tomiño organiza os Roteiros do Miño; unha serie de percorridos que teñen como obxectivo dar a coñecer territorios transfronteirizos valiosos a nivel paisaxístico, cultural, patrimonial, ambiental e natural.

    Deste xeito, leváronse a cabo xa dúas rutas: a Ruta das Pesqueiras e a Ruta da Cabana do Ladrón, quedando pendentes para próximas datas, as seguintes: Ruta dos Fortes da Guerra de Restauración (29 de agosto. 9.30h. PT); Ruta nocturna do Cervo ao Niño do Corvo (4 de setembro. 23.30h. PT); Ruta do Vale das Donas (12 de setembro. 9h. PT); Ruta da Pedra Furada (26 de setembro. 9.30h GAL); Ruta do Alto da Pena (10 de outubro. 9h. PT); Ruta das Fontes (23 de outubro. 9.30h. GAL).

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.