Onte martes día 5 de xaneiro os Reis Magos visitaron a Guarda facendo un percorrido que os levou polas distintas prazas e rúas e, posteriormente por todos os barrios e parroquias. A comitiva real saía ás 17:30 h dende a Praza do Reló, onde os Reis Magos eran recibidos polo alcalde da Guarda, Antonio Lomba e, dende aí, partiron en tres vehículos antigos para facer o percorrido acompañados pola Policía Local e o GES.
Os Reis Magos á súa chegada á Guarda expresaron o seu desexo de facerse ver polos pequenos e pequenas da vila sen pór en risco a súa saúde, polo que propuxeron un itinerario que percorreu os barrios e parroquias do municipio.
O entramado urbano, así como a limitación de tempo, non permitiu chegar a todas as rúas, na súa maioría estreitas e con difícil saída, polo que propuxo un itinerario longo que prorizou as longas avenidas e sobretodo permitiu chegar ata os diferentes lugares máis distantes do centro
A veciñanza agardou nas súas vivendas a chegada dos Reis e só naqueles casos nos que a comitiva non pasaba preto e non se miraba dende a xanela, achegaronse ás grandes avenidas gardando sempre a distancia de seguridade.
Os Reis fixeron o percorrido en coches descapotables, para ser así visibles, non en carroza polo que a cabalgata foi máis áxil e rápida que as tradicionais.
Antonio Lomba recordou cun vídeo (https://youtu.be/utQiJDMijUI) a todos os nenos e nenas da vila, que as luces que se repartiron nos colexios os guiarán dende os balcóns e ventás das vivendas da vila. Estas luces, de fabricación local, xa se repartiron polos diferentes centros educativos da vila, para que os reis magos saiban onde teñen que deixar os agasallos, polo que as deixaban colocadas nas ventás esta pasada noite.
