‘LowPlast–a arte de reducir o plástico’ é un proxecto promovido polo Aquamuseu do río Miño de Vila Nova de Cerveira, en colaboración coa Fundación Bienal de Arte Cerveira (FBAC), a Asociación Portuguesa do Lixo Mariño e o Instituto Interdisciplinar de Artes–DTK, de Noruega, inciativa que contará cun investimento de 52 mil euros, financiado polos EEA Grants.
Tendo como obxectivo fortalecer a sensibilización para redución e prevención de plásticos nos Océanos, o proxecto prevé a realización de accións de sensibilización para a necesidade de reducir o consumo de plásticos de utilización única e botellas de plástico, en sectores chave como o fastfood, restauración e supermercados, amais de incentivar a súa valorización tras o uso, dando sentido práctico á expansión da Economía Circular.
A iniciativa engloba accións de monitorización, concienciación de boas prácticas e creación de elementos artísticos, no cal se enmarca a participación da FBAC. Así, integrando a programación da XXI Bienal Internacional de Arte de Cerveira, serán presentados ao público tres elementos de intervención artística. Debido ao contexto da situación actual, o proxecto foi adaptado e serán presentadas dúas participacións á distancia das artistas norueguesas Pippip Ferner e Christine Istad e unha intervención, en pleno Río Miño, do portugués Acácio de Carvalho.
