16.5 C
Pontevedra
Xoves, 20 de Xuño de 2024
Máis
    HomeA ParadantaA CañizaA Deputación axiliza a pavimentación da estrada de Luneda que une Arbo...

    A Deputación axiliza a pavimentación da estrada de Luneda que une Arbo coa Cañiza

    As obras da estrada provincial EP-5206 que comunica o núcleo rural de Luneda (A Cañiza) comezarán en breve. A Deputación está a piques de pechar o prazo de presentación de ofertas entre as empresas interesadas en executar esta actuación, valorada en 283.956 euros, e que será un paso máis para a mellora das infraestruturas na comarca do Paradanta.

    O proxecto que acometerá a Deputación abrangue a totalidade do trazado, de case 3 Km, entre o entronque coa contorna da ponte das Achas e o núcleo de Luneda (A Cañiza). As obras comezarán coa demolición do firme asfáltico actual con escavación, saneo e retirada de sobrantes. Tamén se procederá ao fresado onde sexa necesario. Unha vez preparada a plataforma aplicarase unha subbase de rachón debidamente compactada sobre a que se aplicará unha capa de saburra e pedra de macadam antes de aplicar a emusión asfáltica e o novo formigón bituminoso en quente. A estrada será dotada dunha tubaxe de drenaxe de PVC de 160 mm e procederase a un pintado completo, renovación da sinalización vertical e, ademais, instalación de captafaros para optimizar a seguridade en horario nocturno.

    Esta estrada provincial, unha das sete que transitan polo concello da Cañiza, dá servizo ao núcleo de Luneda e comunica, ademais, esta zona co veciño concello de Arbo. Nos seus 2.984 metros de lonxitude, a vía absorbe tráfico local, cunha intensidade media diaria de 122 vehículos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.