¿Cal é a situación tras a sentenza que revoga a licenza de obras concedida pola Concello de Redondela a empresa AUCOSA no 2020?
Pois como ben di, o xulgado administrativo de Vigo ditou unha sentenza na que revoga a licenza concedida polo Concello no 2020 por “inexactitudes”, segundo se indica na sentenza, do informe urbanístico do arquitecto municipal por entender que eses erros “condicionan o sentido do mesmo, que debeu ser negativo”.
Retrocedamos un tempo, ¿como é a xa famosa licenza de obras a AUCOSA desde a súa chegada á Alcaldía no 2019?
Antes do meu nomeamento como alcaldesa xa era coñecido pola veciñanza o proxecto de ampliación da fábrica así como que a licenza estaba en fase avanzada de tramitación a piques de ser concedida polo anterior alcalde, Javier Bas, un expediente que se iniciou no ano 2018 apoiando o proxecto, e el estaba de acordo con mesmo xa que vendeu o proxecto a veciñanza, facendo a presentación do proxecto da man da empresa nas instalacións municipais do Museo de Meirande.
“A licenza estaba en fase avanzada de tramitación a piques de ser concedida polo anterior alcalde, Javier Bas, un expediente que se iniciou no ano 2018 apoiando o proxecto”
Por outra banda o Javier Bas, mantivo numerosas reunións coa empresa tanto a porta pechada como públicas, para seguir co apoio do proxecto da modernización da empresa.
Sin embargo eu como Alcaldesa, en todo este tempo, so tiven unha reunión coa dirección da empresa, xusto no momento de empezar o meu mandato para ver como estaba o expediente.
Despois solicitei un informe externo que analizara a situación e, finalmente, tras o traballo dos técnicos municipais, que son os que emiten os informes conforme o proxecto se axusta a legalidade vixente, e a autorización de vertedura o saneamento municipal asinada polo anterior Concelleiro de Medio ambiente en data 04.11.2019, o Concello outorga a licenza no 2020. Recalco que con todos os informes elaborados por técnicos municipais favorables.
É de entender que cos informes técnicos municipais favorables un alcalde ou alcaldesa ten que conceder a licenza…
Así é. Cos informes técnicos favorables temos a obriga de conceder a licenza, o contrario sería prevaricar. Son os técnicos municipais quen ditaminan se unha licenza se pode conceder ou non por axustarse á legalidade.
“Vexo irresponsables e incongruentes as afirmacións que esta a facer o partido Popular de Redondela, cando foron eles os que venderon o proxecto como o mellor para Redondela e para a veciñanza”
Polo tanto, vexo irresponsables e incongruentes as afirmacións que esta a facer o partido Popular de Redondela, cando foron eles os que venderon o proxecto como o mellor para Redondela e para a veciñanza e que sería o que resolvería todos os problemas causados pola empresa.
¿A quen debe facer caso entón, a valoración do Xuíz ou aos técnicos municipais?
Como alcaldesa debo seguir a valoración dos técnicos no exercicio das súas competencias e funcións que así teñen asignadas por lei en función do cargo que ostentan e de acatar os fallos das sentencias que así nos establezan obrigas. Neste caso, como dixen anteriormente, os técnicos municipais están seguros do acerto dos seus informes a pesares da sentenza.
Pero ¿esa sentenza é recorrible?
Así é. O Concello ten de prazo até o 21 de Febreiro para recorrer. O Concello de Redondela debe buscar un pronunciamento xudicial que non lle responsabilice como consecuencias de actuacións que foron condicionadas absolutamente pola Administración Autonómica, Consellería de Medio Ambiente e Administración Estatal.
¿Como estás a vivir estes días tras a sentenza do caso AUCOSA?
Son días complicados a nivel persoal. Entendo moi ben a petición dos colectivos de non recorrer a sentenza e os problemas que ocasiona a empresa diariamente. A miña familia e eu mesma somos veciños de Trasmañó e sufrimos en primeira persoa esta problemática.
Debemos solucionar o problema de Aucosa pero non poñendo o Concello nunha situación perigosa economicamente e en cumprimento da legalidade.
Son longos días de estudo nos que valorar a opción de recorrer ou non esta sentenza, non?
Efectivamente, son días duros nos que temos que valorar co servizo xurídico do Concello, secretaria municipal e co departamento do urbanismo a sentenza e as consecuencias de presentar ou non recurso e tomar decisións que como veciña, alcaldesa e afectada non nos gusta pero por responsabilidade con este Concello hai que afrontar.
Entón, o Concello vai recorrer a sentenza?
É que debemos recorrer a sentenza por responsabilidade con este Concello e por diversas razóns.
En primeiro lugar porque este recurso non pon en perigo o procedemento de retirar a actividade da empresa da enseada iniciado pola veciñanza. Esta sentenza só fai referencia a unha licenza de ampliación e mellora das instalacións.
AUCOSA xa estaba en funcionamento desde o ano 1977 con licenza de actividade e licenzas ambientais outorgadas pola Xunta de Galicia, polo tanto, aquí tratamos da licenza de ampliación e mellora e non da licenza actividade ou licenzas medio ambientais concedidas dende hai anos, que son as esenciais para que Aucosa siga coa súa actividade.
En segundo lugar pola altísima indemnización que solicitaría a empresa afectada que poñería en graves dificultades a saúde económica do Concello de Redondela. Falamos dunha responsabilidade patrimonial que podería estar en máis do 50 % do orzamento anual do Concello, e dicir máis de 10 millóns de euros, sen prexuízo das indemnizacións por danos e polas perdas empresariais de Aucosa.
En terceiro lugar porque os técnicos municipais, como dixen, están seguros do seu acerto nos informes de outorgamento da licenza e que así se acabará demostrando. E por último porque os servizos xurídicos entenden que se debe recorrer este fallo, para no incorrer nunha posible situación de indefensión ante reclamacións posteriores que supoñerían a quebra financeira e económica do Concello de Redondela afectando o conxunto da veciñanza do municipio.
“Como veciña e afectada directamente por Aucosa, levo moitos anos esixindo unha solución a este problema e a retirada da empresa da enseada. A mesma postura defendo como Alcaldesa, pero debemos atopar unha solución ao problema sen poñer en risco económico o Concello”
Moi difícil explicarlle a veciñanza os motivos polos o Concello vai recorrer unha sentenza gañada pola plataforma de afectados, non?
Pois si, como dicía anteriormente como veciña e afectada directamente por Aucosa, levo moitos anos esixindo unha solución a este problema e a retirada da empresa da enseada. A mesma postura defendo como Alcaldesa, pero debemos atopar unha solución ao problema sen poñer en risco económico o Concello. Non recorrer sería unha irresponsabilidade tremenda que suporía para o Concello unha ameaza dunha reclamación económica altísima. Podería poñernos nunha situación de NON poder pagar salarios a funcionarios, empresa de limpeza, empresa do Servizo a Axuda a Domicilio, as facturas de subministro eléctrico de todo o Concello e demais gastos ordinarios do mesmo.
Ademais, como dixen anteriormente, este recurso só afecta a unha licenza de ampliación e mellora. Non a licenza de actividade, outorgada hai mais de 40 anos, nin a licenza medio ambiental.
¿Seguirá loitando para a retirada de Aucosa da enseada?
Por suposto, seguiremos denunciando todos os incumprimentos da legalidade que cometa a empresa, como así fixemos durante estes case tres anos. Foron moitas as inspeccións realizadas polo policía de medio ambiente durante este tempo ante avisos da veciñanza na que puidemos constatar infraccións e comunicarllas a administración competente en materia medio ambiental que é a Xunta de Galicia. Son moitos as incidencias que o Concello de Redondela trasladou a Xunta para que actuara en consecuencia, obtendo o silencio por resposta.
É a administración autonómica a que está permitindo que Aucosa siga coa súa actividade nun espazo especialmente protexido pola Rede Natura.
