9.3 C
Pontevedra
Xoves, 1 de Decembro de 2022
Máis
    HomeÉ NoticiaA Deputación abre a inscrición nos campamentos "Depoaventura"

    A Deputación abre a inscrición nos campamentos “Depoaventura”

    Ofrece 1.540 prazas para nenas e nenos da provincia, das que 210 están reservadas a menores en situación ou risco de exclusión social e 25 de Príncipe Felipe

    Trala publicación este luns 21 das bases no Boletín Oficial da Provincia, mañá martes 22 ábrese o prazo de inscrición para os campamentos da Deputación no Centro de Vacacións da Lanzada. “Depoaventura” volve neste 2022 despois de dous anos de parón pola pandemia cun total de 1.540 prazas adaptadas á nova realidade de prevención e mantemento das distancias e ás disposicións que as autoridades sanitarias diten no momento da súa celebración. O programa está aberto a crianzas nadas entre os anos 2009 e 2014 empadroadas na provincia e do citado número total de prazas, 210 están reservadas a menores en situación ou risco de exclusión social e delas 25 a nenas e nenos do Centro Príncipe Felipe.

    Os campamentos desenvolveranse entre o 26 de xuño e o 10 de setembro, distribuídos en 11 quendas de 140 prazas cada unha que, ao igual que en anos anteriores, serán adxudicadas por sorteo. Este sorteo rexerase por un algoritmo do programa informático e nel darase prioridade ás nenas e nenos que obtiveran praza pero que non puideron asistir aos campamentos da última edición celebrada no verán do 2019.

    No Centro de Vacacións da Lanzada as e os participantes poderán desfrutar dun amplo programa de actividades socioculturais, recreativas, formativas, medioambientais, científicas e de convivencia, algunha delas impartida en lingua inglesa, impartidas por un equipo técnico especializado en animación sociocultural e nas distintas iniciativas impartidas.  Así mesmo, no caso de menores con necesidades especiais disporase do persoal de apoio necesario adaptado ás súas características. As crianzas aloxaranse en tendas de campaña e participarán tamén en saídas educativas e de lecer. Amais, atoparán instalacións melloradas ao terse ampliado o comedor, realizado tarefas de acondicionamento no arborado e instalado novas tendas de campaña para cumprir coas distancias de seguridade estipuladas.

    A partir deste martes 22 as persoas interesadas terán un prazo de 15 días hábiles para formalizar a inscrición, que preferentemente debe realizarse por vía electrónica a través do formulario dispoñible na sede electrónica da Deputación (https://sede.depo.gal) e as solicitudes poderán ser individuais ou múltiples. No caso de irmás ou irmáns que queiran ir en quendas diferentes deberase presentar unha solicitude para cada un deles; deste xeito, entrarán por separado no sorteo para adxudicar a praza e para xerar listas de agarda. E no caso de irmás ou irmáns que queiran ir na mesma quenda deberán presentar unha única solicitude cos datos de todas e todos. As e os menores que convivan no domicilio en situación de acollemento familiar tamén se poderán incluír na solicitude múltiple. Estas solicitudes múltiples teñen efecto durante o sorteo para adxudicar a praza e para xerar listas de agarda.

    O prezo das 1.330 prazas que no están reservadas para crianzas en situación de vulnerabilidade é de 110 euros, 80 no caso de praza para menores de familia numerosa ou monoparental. Para que se lles aplique este desconto as persoas solicitantes deberán indicar no cadro correspondente do formulario de solicitude que teñen o título de familia numerosa ou monoparental e autorizar a consulta telemática. Na páxina web da institución provincial publicarase o anuncio do lugar, do día e mais da hora de realización do sorteo público e o resultado do sorteo coa lista de menores con praza adxudicada para cada quenda e a lista de agarda das 100 primeiras persoas para cada quenda.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS