11.1 C
Pontevedra
Venres, 1 de Decembro de 2023
Máis
    HomeA ParadantaCoveloCovelo convida a participar no seu desfile de Entroido en Maceira

    Covelo convida a participar no seu desfile de Entroido en Maceira

    O prazo para inscribirse aínda está aberto e as persoas interesadas deberán contactar coa asociación de veciños de Maceira

    A Concellería de Cultura do Concello de Covelo convida a participar no seu desfile de entroido organizado en colaboración coa asociación de veciños de Maceira.

    A concelleira de Cultura, Lourdes Enes, informa que todas as persoas interesadas en participar cunha comparsa deberán contactar coa asociación veciñal para inscribirse e poderán facelo no número de teléfono 678 681 952.

    O desfile de entroido terá lugar na contorna da renovada praza do centro da parroquia o sábado día 26 de febreiro a partir das 17:00 horas.

    O concello de Covelo e a asociación de veciños de Maceira entregarán tres premios ás tres mellores comparsas. Tres galardóns de entroido acompañados dun lote de produtos locais.

    O desfile de entroido, no que despregarán a súa creatividade as comparsas, estará amenizado por música de charanga.

    Cita especial coa “Mostra de produtos de Covelo”

    Aínda que habitualmente a Mostra de Produtos de Covelo se celebra o primeiro sábado de cada mes, os produtores da comarca non quixeron perderse o entroido de Maceira e montarán os seus postos dende as 15:30 horas ata o remate da festa.

    Deste xeito ademais de gozar do entroido tamén poderemos adquirir produtos de primeira calidade. Xoiería, agricultura ecolóxica, moda, artesanía, cosmética, roupa e diferentes produtos comarcais de primeira calidade estarán a disposición dos e das participantes na festa de entroido de Covelo.

    LIBROS

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.

    Domingo Villar, «Síbaris»

    A morte prematura de Domingo Villar foi un duro mazazo para os amantes da literatura galega, iso é algo sobre o que coido que existe consenso a estas alturas.