17.6 C
Pontevedra
Xoves, 29 de Setembro de 2022
Máis
    HomeÉ NoticiaO Museo abre este xoves unha exposición sobre as mulleres burguesas que...

    O Museo abre este xoves unha exposición sobre as mulleres burguesas que viviron no ‘Palacete das Mendoza’

    Este sábado comezan as visitas teatralizadas, que precisan inscrición previa

    O Museo de Pontevedra abrirá este xoves a exposición ‘De Babiano Méndez-Núñez a Mendoza  Babiano.  Dúas  xeracións de mulleres para a historia de Pontevedra’, unha mostra que pretende amosar cunha visión obxectiva, baseada na investigación, quen eran Carmen  Babiano Méndez-Núñez e as súas fillas María e Concha Mendoza, mulleres burguesas que viviron no ‘Palacete  das Mendoza’ a finais do século XIX e principios do XX, reconstruíndo, o ambiente cultural e social da época a través da pintura, a música, a fotografía e a moda.

    A exposición está composta de obxectos persoais, obras de arte, libros, fotografías inéditas ou exemplos da súa vestimenta que forman parte dos fondos do propio Museo de Pontevedra e foron restauradas para esta ocasión. As comisarias da mostra, as conservadoras do Museo de Pontevedra Reis  Camiña, Beatriz de San Ildefonso e Natalia Fraguas,  explican que se ofrece “unha parte importante da colección deste Museo, tanto fotográfica, como de artes decorativas ou de pintura, procede desta familia. É a primeira vez que se van a ver moitos deses fondos que levan aquí desde principios dos anos 70”.

    A través de todos eses fondos poderase coñecer o tipo de educación que recibía unha muller da alta sociedade como Carmen Babiano, quen desenvolvese actividades artísticas e culturais que tiveron unha importante repercusión no ambiente intelectual de Pontevedra na segunda metade do século  XIX.  A súa formación transmitiuna ás súas fillas que, seguindo o seu exemplo, converteron a residencia familiar, o ‘Chalé Méndez Núñez’, despois coñecido como ‘Palacete das Mendoza’, nun referente cultural.

    Os faladoiros, os bailes de sociedade e as veladas musicais que se celebraban nos seus salóns, foron o lugar de encontro non só do máis destacado da sociedade pontevedresa senón de todos os personaxes ilustres que visitaban a cidade.  “Afastándonos dos estereotipos a exposición pretende mostrar como eran realmente, como vivían, os seus gustos, as súas afeccións, que eran comúns ás mulleres burguesas da época, o que chama a atención é que iso se produciu nunha cidade como Pontevedra”, explican as comisarias.

    O percorrido da mostra está estruturado en dúas partes: unha primeira dedicada á nai e a súa traxectoria como artista, e unha segunda -máis ampla-, que reflicte a vida das súas fillas como continuadoras do seu legado. A sociedade, o Palacete das Mendoza como reflexo do luxo burgués, Oriente no chalé, a imaxe interior e o culto á beleza e a moda e os complementos, son os distintos apartados nos que se desenvolve a exposición, que ofrecerá a oportunidade de ver pezas nunca antes amosadas. Para coñecer a exposición de maneira diferente o Museo vén de organizar visitas teatralizadas que comezarán este sábado e se repetirán todos os sábados en dúas quendas (17.30 e 19.00 horas). Haberá que reservar praza con anterioridade xa que a capacidade é limitada a 20 persoas por quenda. As persoas que queiran asistir a estas visitas a cargo da compañía Señora Supina, deberán enviar un correo electrónico a reservas.museo@depo.gal.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS