O Concello de Redondela solicita á consellería do Medio Rural a xestión das faixas secundarias de biomasa

-O Concello de Redondela solicitou o pasado mes de marzo á Dirección Xeral de Defesa do Monte as inspeccións oportunas nas faixas secundarias de biomasa para previr incendios forestais. No caso da zona de Río Frio, en Chapela, o goberno local demanda que sexa a Xunta de Galicia a que se faga cargo da limpeza e tala das zonas próximas ás vivendas atendendo ao convenio de colaboración asinado entre o
Concello, Xunta, FEGAMP e SEAGA. – A concelleira Pilar Martinez explica que o Concello “non conta con medios materiais e persoais para asumir todas as execucións subsidiarias dunhas 20 parcelas das que non se coñece propietario, polo que en base á Lei de prevención de incendios forestais
de Galicia tramitamos un novo expediente”. Redondela, 18 de abril de 2024. O Concello de Redondela solicitou o pasado mes de marzo á Dirección Xeral de Defesa do Monte, dependente da conselleria de Medio Rural, as inspeccións oportunas nas faixas secundarias de biomasa para previr incendios forestais. A responsable de Medio Ambiente, Pilar Martinez, lembra que o Concello del Redondela recibiu en xullo de 2023 a petición dun veciño da zona de Río Frio para que se procedese á limpeza dunhas 30 parcelas con arborado e matogueira. A administración local solicitou aos propietarios a tala e roza destas parcelas, pero unha vintena non tenen identificado aos seus propietarios. O pasado mes de febreiro publicouse no Diario Oficial de Galicia unha notificación aos propietarios das parcelas de monte de Río Frio dada a súa obriga a manter os terreos próximos ás casas nunhas condicións que eviten a erosión e os incendios. “Transcorrido o prazo administrativo, son aínda unha vintena as parcelas que están sen limpar, e descoñécense quen son os seus propietarios”, explica Pilar Martínez. O Concello de Redondela “non conta con medios materiais e persoais para asumir todas as execucións subsidiarias das parcelas, polo que tramitamos un novo expediente en base á Lei de prevención de incendios forestais de Galicia”. A concelleira de Medio Ambiente, Pilar Martínez, explica que ao abeiro do convenio de colaboración que ten subscrito o Concello coa Xunta de Galicia, a FEGAMP e SEAGA (Servizos Agrarios Galegos) “solicitarase que sexa a administración autonómica a que se faga cargo da limpeza nas zonas de arboredo de Rio Frio, xa que o Concello non ten capacidade para facelo”. Mañá venres, 19 de abril, vence o prazo administrativo da publicación no DOGA do pasado 4 de abril deste novo expediente, e tramitarse al
solicitude ante a conselleria do Medio Rural. A edil lembra que en febreiro “xa se informou aos veciños afectados de cal é a situación
e os trámites que se están a realizar ante a Xunta de Galicia”.