O vindeiro 24 de maio Salvaterra de Miño celebra os máis de mil anos de historia xa que o primeiro documento escrito que fai referencia a esta localidade foi asinado o 24 de maio do ano 991.
Con motivo desta celebración, o Concello de Salvaterra de Miño prepara un día de actividades no recinto amurallado pensada para todas as idades.
Nesta ocasión dende a Concellería de Cultura organízase un mercado-exposición onde comercios, artesáns ou asociacións interesados poderán participar deste evento que terá lugar o sábado 25 de maio durante todo o día.
Ademais o Concello de Salvaterra tamén ten programadas actividades para a infancia pola mañá con xogos populares e contos sobre a historia de Salvaterra e pola tarde unha actividade familiar con acertixos e probas.
Aqueles interesados en participar no mercado-exposición deberán enviar os seus datos a seguinte dirección de correo electrónico comunicacion@concellodesalvaterra.org