15.6 C
Pontevedra
Sábado, 25 de Setembro de 2021
Máis
    HomeÉ NoticiaDeputación en Concello de Tomiño repasan a colaboración leal entre ámbalas dúas...

    Deputación en Concello de Tomiño repasan a colaboración leal entre ámbalas dúas institucións

    Carmela Silva recalca diante da alcaldesa, Sandra González, a vontade de continuar impulsando actuacións vertebradoras do municipio do Baixo Miño que xa suman actuacións valoradas en 10,2 millóns de euros

    A colaboración constante entre a Deputación de Pontevedra e o Concello de Tomiño foi hoxe posta como exemplo de entendemento institucional pola presidenta, Carmela Silva. Fíxoo durante unha xuntanza que esta mañá mantivo coa alcaldesa, Sandra González, e na que ambas repasaron as actuacións desenvolvidas neste municipio durante o pasado mandato 2015-2019 e as que xa están en marcha. Un apoio da Deputación a Tomiño que totaliza 10,2 millóns de euros.

    Carmela Silva destacou a calidade e cantidade dos proxectos e iniciativas desenvolvidas neste concello do Baixo Miño. Ao seu xuízo queda demostrado “o compromiso serio con Tomiño, un compromiso que parte da igualdade de trato e da premisa de reparto de fondos con criterios obxectivos e transparentes”. A presidenta provincial agradeceu a “relación fluída” coa alcaldesa e subliñou que neste clima de confianza mutua é posible analizar tanto as actuacións xa realizadas como as que quedan pendentes, buscando fórmulas e camiños para o seu financiamento.

    O Concello de Tomiño recibe este ano do Plan Concellos (que se reparte entre tódolos concellos da provincia inferiores a 50.000 habitantes en función da súa poboación, extensión e dispersión territorial) un total de 1.268.865,17 euros. O Plan Concellos funciona cun modelo de transferencias, de xeito que son os concellos os que deciden e licitan as obras, o que convirte á Deputación de Pontevedra na que máis fondos transfire directamente aos municipios (un 30% do seu Orzamento xeral), moi por enriba da media das deputacións españolas, que queda no 16%. Ademais, como se subliñou durante a xuntanza de hoxe, Tomiño destaca pola súa capacidade de xestión, ao ser un dos concellos que máis ao día leva as certificacións das distintas axudas concedidas pola Deputación.

    Gracias ás achegas do Plan Concellos, Tomiño puido recuperar recentemente o edificio Unión do Porvenir, mellorar a seguridade no camiño de entrada a Estas, mellorar a accesibilidade na Alameda de Goián, na Igrexa de San Xoán de Amorín e na praza de Figueiró ou acondicionar o campo de fútbol do Alivio, entre outras moitas obras. Ademais, logrou un proxecto dentro do plan de reequilibrio DepoRemse para a reforma da praza do Seixo, actuacións todas elas que teñen mellorado a calidade urbana neste municipio. En materia de Mobilidade, o investimento provincial chegou aos 3,2 millóns de euros e serviu para mellorar a unión entre a estrada provincial EP-3102 Tomiño-Sabarís e a PO-344 ao paso polo núcleo urbano de Seixo. Ademais, estase a traballar na seguridade viaria da rotonda (pq 3,7) da EP-3101 Tebra-Cristelos.

    A Deputación de Pontevedra é a que máis fondos transfire directamente aos municipios (un 30% do seu Orzamento xeral), moi por enriba da media das deputacións españolas, que queda no 16%

    Por outra banda, no marco da Liña 2 do Plan Concellos, dedicada ao fomento do emprego, contratáronse a 99 traballadores (cunha media de 25 ao ano), sen esquecer que outras 18 persoas atoparon traballo no Concello no marco do Plan de Práctica Laboral, o Prácticum Depo e o DepoEmprega.

    No marco do proxecto europeo Visit Río Minho: Preservación, Conservación e Valorización do río Miño Transfronteirizo, cofinanciadas polos fondos FEDER-POCTEP e a Deputación están en marcha dúas actuacións de relevancia. En concreto, trátase da mellora da accesibilidade e equipamento multifuncional para a dinamización do parque da fortaleza de San Lorenzo, en Goián, con 199.963,44 euros, e o proxecto construtivo dunha ponte internacional para peóns e bicicleta sobre o Miño, entre Goián e o Castelinho (Vilanova de Cerveira). O valor previsto deste proxecto, actualmente en fase de concurso de anteproxectos, é de 209.484 euros.

    A Deputación impulsou tamén, durante o mandato 2015-2019, proxectos de iluminación led valorados en preto de 90.000 euros, investiu 226.000 euros en Cultura e outros 448.000 en programas de cohesión social que serviron para a organización de actividades, en colaboración con 23 asociacións, e nas que participaron 1.118 persoas. O impulso ao Deporte foi outro dos eixes da colaboración cunha asignación de 114.000 euros que serviu para dinamizar a actividade de 14 clubs e axudar a 13 deportistas individuais, dos que 9 contan con becas de élite (DepoDAN) ou promesa (DepoPromesa). Ademais, financiáronse 10 DepoEscolas Deportivas de balonmán, fútbol e patinaxe.

    A Igualdade, con 35.000 euros, foi outra das liñas de colaboración a través dos cursos do programa Conectadas e os programas Violencia Zero, Cinema e Muller e Sorrisos Transformadores. Ademais disto, o Concello recibiu unha subvención para fomento da igualdade. Finalmente, houbo actuacións en materia de Medio Ambiente, Novas Tecnoloxías (das que, entre outras actividades, beneficiáronse 10 empresas), Comunicación e Turismo.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS