9.7 C
Pontevedra
Domingo, 11 de Abril de 2021
More
    HomeÉ NoticiaAs visitas teatralizadas aos castelos de Soutomaior e Sobroso, un éxito indiscutible

    As visitas teatralizadas aos castelos de Soutomaior e Sobroso, un éxito indiscutible

    Os castelos de Soutomaior e do Sobroso serán escenario de visitas teatralizadas que, no caso de Soutomaior desenvolveranse os días 5, 12 e 19 de maio e para a fortaleza do Sobroso, no Concello de Mondariz, serán os días 10, 11 e 12 de maio. Do éxito da iniciativa posta en marcha pola Deputación de Pontevedra, que preside Carmela Silva, fala ben as claras o feito de que as 380 prazas dispoñibles para esta actividade, esgotáronse pouco máis de dúas horas despois de anunciarse a apertura do prazo de inscrición.

    Ás nove da mañá de onte, 29 de abril, abría o prazo de inscrición e, en pouco máis de dúas horas, xa non quedaban prazas baleiras. Un total de 80 persoas participarán nas visitas a Sobroso, onde xa hai unha lista de agarda de máis de 100 persoas, e outras 300 farano en Soutomaior ao longo das fins de semana do vindeiro mes de maio e comezos de xuño.

    As personaxes da bufona Burlona, Teresa de Távora e a pantasma Sancha serán nesta ocasión as personaxes que guíen as novas visitas teatralizadas. Como cada ano, a Deputación de Pontevedra búscase así desestacionalizar o turismo na provincia e dar a coñecer a historia de Soutomaior e Sobroso dun xeito máis ameno, interactivo, innovador e divertido. As visitas ao Castelo de Sobroso terán lugar os días 10, 11 e 12 de maio, cun aforo de 20 persoas por quenda. No caso do Castelo de Soutomaior, a iniciativa vaise desenvolver os días 5, 12 e 19 de maio e mailos días 1, 2 e 8 de xuño, con grupos de 30 persoas por quenda.

    No Castelo de Soutomaior, será a bufona Burlona a encargada de abrir as portas da fortaleza, presentando despois a toda unha serie de persoeiros, entre os que aparecerá unha nova personaxe, que será Teresa de Távora. Foi a muller de Pedro Madruga, unha muller que xogou un papel moi activo nos conflitos e alianzas da nobreza galega e que servirá para descubrir un novo punto de vista do castelo, máis divertido e interactivo.

    En Sobroso, a visita correrá ao cargo da pantasma Sancha, protagonista dun xogo de pistas para as familias. As persoas visitantes terán que axudar a Sancha, que soña con escapar do castelo, pero para facelo precisa de tres obxectos que se agochan tras os muros e historias de Sobroso. Así, realizarán unha ruta polos muros da fortificación, coñecerán que personaxes habitaron en Sobroso e que historias aconteceron alí e no seu entorno.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS