10.8 C
Pontevedra
Sábado, 2 de Marzo de 2024
Máis
    HomeÉ NoticiaA Deputación pecha a quinta edición dos cursos de español para persoas...

    A Deputación pecha a quinta edición dos cursos de español para persoas inmigrantes

    Un total de 54 participantes asistiron ás tres accións formativas celebradas en Vigo e Pontevedra para facilitar ás persoas non hispanofalantes o acceso ao diploma DELE A2, indispensable para obter a nacionalidade española

    Co remate da acción formativa celebrada en Pontevedra, a Deputación vén de pechar este venres a quinta edición dos cursos de español para persoas inmigrantes, dirixidos a facilitar ás persoas de países non hispanofalantes a obtención do Diploma de Español Como Lingua Estranxeira (DELE A2), un requisito indispensable para que poidan logo acadar a nacionalidade española. En total, 54 persoas participaron neste 2021 nos cursos, 35 nos dous primeiros celebrados en Vigo e 19 neste último que se desenvolveu no Centro Príncipe Felipe.

    En concreto, nesta terceira acción, as persoas participantes procedían de Brasil (7), Marrocos (7), Senegal (4) e Arxelia. A actividade contou con 40 horas de formación e as clases cun estrito protocolo anti Covid, que incluíu o uso obrigatorio de máscaras e a dotación de material de hixiene para garantir a seguridade. Agora o alumnado participante presentarase ao exame do DELE A2 que levará a cabo o Instituto Cervantes en Vigo o 13 de novembro.

    Nos anteriores dous cursos celebrados en Vigo, con 20 e 15 participantes, as persoas procedentes de Marrocos foron maioría, seguidas das de Brasil, Rusia ou Nixeria, aínda que tamén houbo alumnado de Paquistán, Congo, Irán, Costa de Marfil ou Mauritania. As persoas que participaron e superaron estas dúas actividades examináronse en setembro do DELE A2.

    Estes cursos de español, que a Deputación organiza desde 2017, teñen como obxectivo facilitar a integración das persoas inmigrantes como cidadáns de pleno dereito na provincia, xa que a proba DELE A2 require unha preparación previa e ten un custo económico que dificulta o acceso para un determinado sector da poboación. A través deste programa, a institución subvenciona o custo da formación e tamén o da matrícula na citada proba.

    Nas catro edicións anteriores  houbo 235  persoas participantes que, sumadas ás 54 deste 2021, fan un total xa de 289 persoas. A meirande parte do alumnado consigue logo superar a proba e obter o DELE A2 e, deste xeito, en 2017 houbo un  70% de aprobados, mentres que o ano seguinte subiron ata un 97,7%. O pasado 2020 lograron o diploma o 80% das persoas examinadas.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.