O Concello de Nigrán colabora un ano máis coa programación festiva de San Xoan en Panxón, os anos pasados organizándoa directamente ao non terse constituído comisión de festas e este a través do programa municipal ‘Música nas Parroquias’. Así, un ano máis o consistorio xestionou a actuación da banda de tambores e cornetas da Brilat o sábado 24 ás 19:00 horas. Por outra banda, achega a través do programa ‘Música nas Parroquias’ da Liña 2 do Plan Concellos da Deputación 4.000 €.
Así, o venres desde as 22:00 horas terá lugar a actuación do Grupo América S.L. e Metrópolis; o sábado a mencionada banda da Brigada de Infantería Lixeira Aerotransportable (Brilat) e verbena nocturna a cargo de Conexión e La Banda de Ayer. Xa o domingo 25, último día, haberá concerto ao mediodía da Unión Musical de Vincios e pola noite de La Oca Band con gran tirada de fogos de artificio. Os postos de venda e as atraccións volverán tamén a Panxón despois da ausencia dos pasados anos.
