16.8 C
Pontevedra
Venres, 19 de Abril de 2024
Máis
    HomeVal MiñorNigránO 'Club de Petanca Prat', campión de España de Tripletas na final...

    O ‘Club de Petanca Prat’, campión de España de Tripletas na final disputada esta fin de semana en Nigrán

    O equipo catalán impúxose na final do domingo en Praia América aos murcianos do C.P. Las Palomas de San Basilio

    O ‘Club de Petanca’ Prat resultou campión do LXIII Campeonato de España Tripletas Senior Masculino e Copa S.M El Rey desputado durante toda a fin de semana en Praia América (Nigrán) baixo a organización do Concello de Nigrán e o C.C.D. Bolos da Carrasca e co apoio da Deputación de Pontevedra a través da liña 2 do Plan Concellos. Os cataláns impuxéronse na final do domingo aos murcianos do C.P.Las Palomas de San Basilio. A federación catalana pode presumir tamén de que subiran ao podio na terceira posición a U.P.Torres Rubi. Pola súa banda, o único equipo da comarca do Val Miñor clasificado, O CCR Bolos da Carrasca, obtivo o posto 24 nun total de 32 participantes.

    O club campión coa organización do campionato

    “O ambiente foi marabilloso e os xogadores estaban encantados do lugar da celebración, aos pes de praia América e cunha temperatura ideal”, destaca o alcalde, Juan González (o Concello habilitou para a ocasión 18 canchas na zona do aparcamento da antiga escola de vela de Praia América). Así, participaron 32 equipos de 13 federacións de toda España, o que supuxo máis de 120 persoas entre xogadores e técnicos.

    “Esta cita foi posible grazas ao C.C.D. Bolos da Carrasca, os grandes promotores da petanca en toda a comarca, grazas ao seu tesón e esforzo Nigrán puido acoller esta final nacional que puxo a Nigrán no mapa de toda España, o resultado non puido ser mellor”, resume González.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.