18.2 C
Pontevedra
Luns, 17 de Xuño de 2024
Máis
    HomeVal MiñorNigránNigrán reúne a veteranos do Celta na presentación do documental 'El fútbol...

    Nigrán reúne a veteranos do Celta na presentación do documental ‘El fútbol por dentro’

    O Concello de Nigrán reuníu no serán do venres a xogadores veteranos do Real Club Celta vinculados á comarca como Jorge Otero, Javier Maté, Gustavo Loureiro, Luis Villar ou o mozo Kevin Vázquez (na plantilla do Celta actualmente) nunha xornada de futbol adicada especialmente a eles na presentación do documental ‘El fútbol por dentro’, elaborado polo mítico cancerbeiro Ramón Allegue ‘El Tigre’ Padrón.

    Ramón Allegue ‘El Tigre’ Padrón –que no documental exerce de guionista, narrador e mesmo cámara con imaxes inéditas súa época (1954-1962) grabadas cun 8 mm que mercou co primeiro soldo– foi o encargado, xunto ao alcalde de Nigrán, Juan González, de presentar este traballo, estrea no Val Miñor, no que figuran imaxes de compañeiros de Padrón como Hermidita ou Alvarito ou anteriores como Nolete,todos eles míticos xogadores de Gondomar xa falecidos, polo que o resultou especialmente emotivo para as súas familias, que asistiron ao acto.

    “Todos os que vestiron a camiseta do Celta son parte da miña familia, para min o Celta non é un clube, é a historia da miña vida, é a miña familia”, arrancou un emocionado Padrón no coloquio posterior cos demais xogadores. No mesmo non faltaron as risas coas suas divertidas anécdotas, como cando recordou que, debido a ausencia de televisores na súa época, os cancerbeiros se telefoneaban entre sí para saber por onde lanzara o último penalti un determinado xogador contrincante. “Din que na nosa xeración xogábamos un fútbol prehistórico, pero non é certo; nin Ronald Koeman lanzaba penaltis con tanta forza como Hermidita, él deixoume torto este dedo”, amosou a un entregado público. Padrón, sinalou o presidente da Peña Alvelo, foi o primeiro cancerbeiro do Celta en ter o escudo da camiseta “porque a súa muller se preocupaba de tecerlle en lá a casaca e logo a bordaba”. O seu amor polo Celta non o fixo dubidar en rexeitar propostas do mesmo Barcelona ou Atlético de Madrid.

    [ngg src=”galleries” ids=”11″ display=”basic_thumbnail”]

    Exposición
    Aproveitando esta proxección, o Concello inaugurou no propio Auditorio Municipal unha exposición fotográfica con imaxes de xogadores do Celta en toda súa historia, con especial atención aos vinculados ao Val Miñor (ben nacidos ou “adoptados”). Esta foi posible gracias a Antonio Arca, presidente da Peña AlVelo e quen facilitou as imaxes. “Queríamos recoñecer a pegada dos ‘miñoranos’ no Real Club Celta adicándolle esta exposición. Gondomar deu na orixe do clube a grandes como Hermida, Hermidita ou Nolete; pero Nigrán é igual de importante con xogadores como Jorge Otero, internacional coa selección, ou actualmente con Kevin Vázquez; ademais, Nigrán é o fogar dende décadas de veteranos como Luis Villar ou Javier Maté”, sinalou o alcalde, Juan González. Esta exposición estará aberta no Auditorio Municipal ata finais de mes en horario de luns a venres de 9:00 a 14:00 horas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.