7.4 C
Pontevedra
Sábado, 3 de Decembro de 2022
Máis
    HomeVal MiñorNigránNigrán reitera a petición dunha reunión coa conselleira de Infraestruturas

    Nigrán reitera a petición dunha reunión coa conselleira de Infraestruturas

    O alcalde de Nigrán, Juan González, ven de reiterar a petición oficial de reunirse coa Conselleira de Infraestruturas, Ethel Vázquez, para incidir no importante que é mellorar o xa aprobado e adxudicado proxecto de mellora da seguridade viaria na PO-552 (puntos quilométricos 10+600 a 13+800) na contorna de Mallón.

    Este tramo non inclúe as alegacións realizadas dende o Concello de Nigrán no seu momento ao eliminar a regulación semafórica de Cotros (á altura da panadería La Pintora) engadindo a cambio un carril central de incorporación na estrada e impoñendo ademais o sentido único nas rúas Cruceiros e Mallón, ambas municipais.

    “Son medidas perxudiciais para os veciños e precisamente van en contra da seguridade viaria que se está a pretender. Os semáforos foron instalados hai máis de catro anos como medida de seguridade e demostraron funcionar moi ben, os veciños están moi satisfeitos e desexan que se manteñan”, incide o alcalde.

    Deste xeito, dende a Xunta finalmente elimínase o dobre sentido na rúa Cruceiros, que será só de saída á PO-552, e na rúa Mallón, quedando este como único acceso ao barrio pese a ser unha zona moi populosa e ter a calzada menos de tres metros de ancho no tramo de entrada.

    A Xunta elimina a regulación semafórica de Cotros engadindo un carril central de incorporación na estrada e impón o sentido único nas rúas Cruceiros e Mallón, ambas municipais

    O certo é que co futuro carril central de incorporación “suprímese o aparcamento próximo á panadería dificultando moito a continuidade dos negocios existentes e, ao mesmo tempo, se prexudica aos residentes no barrio de Mallón creando sentidos únicos en camiños de competencia municipal onde non había ningún problema de sinistralidade”, indica o rexedor, quen destacou que “froito das alegacións do Concello o único que se solventou no proxecto foi o problema que existía no camiño das Barreiras”.

    “Existen alternativas que non son lesivas. Descoñecemos o prazo de inicio das obras pero é inconcebible que nos impoñan sentidos únicos en camiños de titularidade municipal “, suliña o alcalde, Juan González, quen lamenta que a Xunta tamén desestimase construír beirarrúas en toda a zona de Ureca.

    O Concello, nas súas alegacións, pedira a mellora da accesibilidade peonil na contorna de Ureca (rotonda coa AG-57 a Porto do Molle ou Camiño ao Souto e Camesella), xa que actualmente só dispón dun único itinerario peonil moi complexo a pesares de ser unha zona moi transitada dado que dende aí se entra ao sendeiro do Río Muíños ou ás instalacións deportivas. A Xunta considera que os treitos existentes na marxe esquerda (dirección A Ramallosa) son xá suficientes e non se plantexa actuar na outra marxe ou dotar de continuidade ao escaso tramo existente. “Non se entende que sendo un proxecto de mellora da seguridade viaria se obvien e desestimen as alegacións e aportacións dos veciños de Nigrán e do seu goberno ao respecto, non ten sentido algún que se impoñan solucións que non responden a ningunha demanda nin a ningunha lóxica de atallar problemas de sinistralidade”

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS