Martes, 11 Febreiro de 2025

Nigrán recibe aos dous nenos saharauís que pasan o verán con familias do municipio

O alcalde de Nigrán, Juan González, recibiu esta mañá aos dous nenos saharauís que están pasando este verán en Nigrán con familias de acollida. Os pequenos chegaron a primeiros de xullo e regresarán aos campamentos de refuxiados de Tindouf (Arxelia) en setembro.

O Concello de Nigrán achegou 2.000 euros ao Programa ‘Vacacións en Paz’ de Solidariedade Galega co Pobo Saharaui pero comprometeuse a destinar unha partida específica de 3.000 € no vindeiro orzamento.

Durante o encontro González entregoulles unhas mochilas co logo de ‘Nigrán’ e diverso material. Ademais, falou cos cativos, que están a disfrutar moito en Galicia, e agradeceu públicamente o labor das familias que os acollen, recordando que o conflito saharaui é un conflito político ao que a comunidade internacional debe buscar unha solución que a propia ONU establece nun referendum de autodeterminación. “Oxalá algún día deixen de ter que vir porque signifique que xa están na súa casa, nun sáhara libre”, sinalou.